Ադրբեջանի նախագահը բացատրել է, թե ինչպես է հայտնվել «Երկաթե բռունցք» արտահայտությունը

24 Սեպտեմբերի 2021 - 12:03

«Պաշտպանության նախարարն ինձ զեկուցեց, որ շփման գծում և որոշ բնակավայրերում մեր դիրքերը հրետակոծության են ենթարկվում Հայաստանի կողմից: Որոշվեց համարժեք պատասխան տալ, և այդպիսով մենք մտանք պատերազմի մեջ, որը, ինչպես պարզվեց, անխուսափելի էր»:

Այս մասին հայտարարել է Ադրբեջանի նախագահ Իլհամ Ալիևը «Ազգային պաշտպանություն» ամսագրին տված հարցազրույցում, հայտնում է Armenia.Az- ը:

«Իրադարձությունները շատ արագ զարգացան: Ռազմական գործողությունների առաջին օրում ադրբեջանական բանակն ազատագրեց ռազմավարական նշանակություն ունեցող բարձունքներ Քելբաջարի շրջանում, Մուրովդաղի լեռներում՝ Աղդերեյի ուղղությամբ, ինչպես նաև վեց գյուղ՝ չորսը Ֆիզուլիի և երկուսը՝ Ջաբրայիլի շրջանում:

Մեզ հաջողվեց նույն օրը ճեղքել թշնամու պաշտպանության առաջին գիծը, և դրանից հետո բոլոր 44 օրերի ընթացքում մենք շարժվում էինք միայն առաջ», - ասել է Իլհամ Ալիևը:

«Ինչ վերաբերում է հակահարձակողական գործողության անվանը, բնականաբար, ռազմական գործողությունների հենց սկզբում այն անուն չուներ: Ես մի քանի անգամ օգտագործեցի «երկաթե բռունցք» տերմինը ադրբեջանական ժողովրդին ուղղված իմ կոչերի ժամանակ, երբ ես զեկուցում էի ազատագրված քաղաքների և գյուղերի մասին: Ես մի քանի անգամ ասել եմ, որ մեր երկաթե բռունցքը կջարդի թշնամու գլուխը, եթե նա ինքնակամ չլքի բոլոր օկուպացված տարածքները: Քանի որ դա դրական էր ընկալվում հասարակության կողմից, ես որոշեցի օպերացիան անվանել հենց այդպես՝ «Երկաթե բռունցք»: Բայց դա տեղի ունեցավ ոչ թե անմիջապես, այլ ռազմական գործողությունների որոշակի փուլում», - նշել է ԱՀ նախագահը:

ARMENIA.AZ