Ուզբեկստանում քննարկվել է Ադրբեջանի ազատագրված տարածքներում հուշարձանների վերականգնման հարցը

17 Սեպտեմբերի 2021 - 14:05

Ուզբեկստան այցի շրջանակներում Ադրբեջանի մշակույթի նախարար Անար Քերիմովը հանդիպել է՝ Մշակութային արժեքների պահպանման և վերականգնման միջազգային հետազոտական կենտրոնի (ICCROM) գործադիր տնօրեն Վեբբեր Նդորոյի հետ:

Ինչպես Armenia.Az-ին հայտնել են նախարարությունում, հանդիպման շրջանակներում Անար Քերիմովը ICCROM-ի ղեկավարին տեղեկացրել է այն մասին, որ Հայաստանը կատարել է վանդալիզմի ակտեր և յուրացրել ադրբեջանական ժողովրդի նյութական և մշակութային ժառանգության նմուշները՝ Ադրբեջանի տարածքներում, որոնք շուրջ 30 տարի պահել է օկուպացման տակ: Նշվել է, որ ադրբեջանական բանակը, 44-օրյա պատերազմի արդյունքում վերականգնեց մեր երկրի տարածքային ամբողջականությունը, և ներկայումս Ադրբեջանի պետությունը լայնածավալ վերակառուցման և վերականգնման աշխատանքներ է իրականացնում ազատագրված հողերում:

Անար Քերիմովը տեղեկատվություն է տրամադրել՝ այս գործընթացում մշակույթի նախարարությանը վստահված աշխատանքի մասին: Նա նշել է, որ գերատեսչությունն անցկացրել է ազատագրված տարածքների գույքագրում՝ համեմատելով պատմամշակութային հուշարձանների նախկին և ներկա վիճակը, և համապատասխան աշխատանքներն արդեն սկսվել են Ադրբեջանի հնագույն մշակութային կենտրոններից մեկում` Շուշա քաղաքում: Նախարարը Վեբբեր Նդորոյի ուշադրությանն է հասցրել նաև, որ ICCROM- ի աջակցությունն անհրաժեշտ է պատմական հուշարձանների վերականգնման գործընթացում:

ICCROM- ի ղեկավարը կիսվել է՝ 2019 թվականին Բաքվում ՅՈՒՆԵՍԿՕ -ի Համաշխարհային ժառանգության կոմիտեի 43 -րդ նստաշրջանին մասնակցելու իր տպավորություններով: Նա նշել է, որ ICCROM-ի և ադրբեջանական կողմի համաձայնությամբ նախատեսված՝ վերականգնման թրենինգները հետաձգվել են համավարակի պատճառով:

Հանդիպման ընթացքում տեղի է ունեցել մտքերի փոխանակում՝ թրենինգների վերսկսման և առերես դասընթացների կազմակերպման վերաբերյալ` կապված օկուպացիայից ազատված տարածքներում մշակութային հուշարձանների վերականգնման, դասընթացների խմբերի ձևավորման, ինտերակտիվ բանավեճերի իրագործման և վերը նշված բոլոր ծրագրերի իրականացման համար տեխնիկական հանձնաժողովի ստեղծման վերաբերյալ: Միաժամանակ, քննարկվել է ICCROM-ի մասնակցությամբ Ադրբեջանում տարածաշրջանային թրենինգային կենտրոնների ստեղծման հարցը:

ARMENIA.AZ