Ադրբեջանի նախագահը ԳԻ նոր ղեկավարներին հանձնարարել է մասնավոր ներդրումներ ներգրավել

14 Սեպտեմբերի 2021 - 17:07

Ադրբեջանի նախագահ Իլհամ Ալիևը Ջալիլաբադի և Շամքիրի շրջանների գործադիր իշխանության նոր ղեկավարներին հանձնարարել է այդ շրջանների զարգացման համար մասնավոր ներդրումներ ներգրավել:

«Դուք պետք է փորձեք ձեր շրջաններ ներգրավել տեղական և արտասահմանյան ներդրումներ: Այս ոլորտում պետք է ակտիվություն լինի, քանի որ առանց մասնավոր ներդրումներ ներգրավելու երկիրը չի կարող զարգանալ այնպես, ինչպես մենք ենք ցանկանում», - երեքշաբթի ասել է Իլհամ Ալիևը՝ տեսակոնֆերանսի ձևաչափով ընդունելով Ջալիլաբադի և Շամքիրի շրջանների գործադիր իշխանությունների նոր ղեկավարներին, հաղորդում է Armenia.Az- ը:

Նախագահի խոսքով՝ պետությունը «չի կարող ամեն ինչ իր վրա վերցնել»:

Երկրի ղեկավարը նշել է, որ այդ շրջաններում շինարարական և բարեկարգման աշխատանքներն իրականացվել են պետական ներդրումների հաշվին, և անհրաժեշտ պայմաններ պետք է ստեղծվեն ձեռնարկատերերի համար:

«Գործարարների համար պետք է հնարավորություն ընձեռնվի, որպեսզի նրանք ներդրումներ կատարեն և ստեղծեն նոր աշխատատեղեր: Բայց որոշ դեպքերում ձեռնարկատերերը բախվում են խնդիրների, նրանցից պահանջում են մասնաբաժին, արդյունքում ձեռնարկատերը հեռանում է: Պետք է վերջ տալ դրան», - ասել է նախագահը:

Իլհամ Ալիևն ընդգծել է, որ ձեռնարկատերերը պետք է վստահ լինեն, որ «նրանք վճարելու են միայն հարկեր և ուրիշ ոչինչ»:

ARMENIA.AZ