ԱԳՆ. «Ադրբեջանցի զինվորի սպանությունը հանցագործություն է, և Հայաստանը պատասխանատու է դրա համար»

25 Փետրվարի 2020 - 15:07

"Ընթացիկ տարվա փետրվարի 24-ին, Ադրբեջանի Գազախի շրջանի Գուշչու Այրըմ գյուղի ուղղությամբ Հայաստանի զինված ուժերի կողմից հրադադարի ռեժիմի հերթական կոպիտ խախտման արդյունքում` զոհվել է մեր սահմանապահ զինծառայող Վելիև Իբրահիմ Ալեմշահ օղլուն: Մենք ուզում ենք նշել, որ արյունալի դեպքը տեղի է ունեցել հայ-ադրբեջանական պետական սահմանին":

Ինչպես հայտնում է Armenia.Az-ը, այդ մասին ասվում է՝ Ադրբեջանի արտաքին գործերի նախարարության հայտարարության մեջ:

«Հայաստանի զինված ուժերի կողմից հրադադարի երկարատև խախտումը՝ ինչպես երկու երկրների պետական սահմանում, այնպես էլ երկու երկրների զորքերի շփման գծում, ինչպես նաև ադրբեջանցի զինծառայողների և քաղաքացիական անձանց գնդակոծումը, ակնհայտորեն ցույց է տալիս՝ այդ երկրի ղեկավարության՝ զավթողական քաղաքականությունը և «հեղափոխական» նախաձեռնությունների իրական էությունը: Այս նպատակադրված սպանությամբ՝ հայկական կողմը մեկ անգամ ևս բացահայտորեն հաստատում է, որ հենց նա է հանդիսանում օկուպանտ և Ադրբեջանի օկուպացված տարածքներում ստեղծված մարիոնետային վարչակարգի հետևում թաքնվելու փորձերը բացարձակապես անհիմն են:

Խոջալուի ցեղասպանության զոհերի հիշատակը հարգելու նախօրեին տեղի ունեցած միջադեպը հանդիսանում է՝ Հայաստանի ևս մեկ նողկալի և ստոր փորձը՝ համաշխարհային հանրության ուշադրությունը շեղելու իր կեղտոտ արարքներից:

Ադրբեջանի միջազգայնորեն ճանաչված սահմանները պաշտպանող Պետական սահմանապահ ծառայության զինվորի սպանությունը հանցագործություն է, և այս արյունալի հանցագործության համար պատասխանատվությունը ընկնում է Հայաստանի վրա:

Մենք կիսում ենք՝ զոհված զինվորի հարազատների և ընկերների վիշտը: Ալլահը թող ողորմի նրա հոգուն»:

ARMENIA.AZ