Ամերիկացի փորձագետ. «Ղարաբաղում նոր պատերազմը կլինի անօդաչուների պատերազմ»

23 Հունիսի 2020 - 17:14

Կովկասում պատերազմը նոր ազդակ է ստանում, որովհետև կողմերը հետախուզության և հարվածներ հասցնելու համար ձեռք են բերում առավել ժամանակակից անօդաչու տեխնոլոգիաներ։

Այդ մասին, Forbes ամսագրի իր հոդվածում գրում է՝ ռազմական տեսաբան Դեվիդ Համբլինգը, փոխանցում է Armenia.Az-ը՝ վկայակոչելով Armiya.Az-ին։

Հեղինակը նշում է, որ ԽՍՀՄ-ի փլուզումից հետո, Հայաստանի և Ադրբեջանի միջև բռնկվել է Լեռնային Ղարաբաղում հակամարտություն։ Հայաստանը օկուպացրել է Ադրբեջանի տարածքների մի մասը՝ ներառյալ Լեռնային Ղարաբաղը, որտեղ ստեղծվել է անջատողական կազմավորում։ Լեռնային Ղարաբաղը այդպես էլ չի ճանաչվել «անկախ» և միջազգային մակարդակով ճանաչվում է, որպես Ադրբեջանի մաս։ Դրանով հանդերձ, չնայած ձեռք բերված հրադադարի ռեժիմին, Հայաստանի և Ադրբեջանի միջև հակամարտությունը շարունակվում է։

Հոդվածում նշվում է, որ 2016 թվականին հակամարտությունը բռնկվեց նոր ուժով և անցավ բացահայտ մարտական գործողությունների։ Հակամարտության նոր սրումը հիշվում է նրանով, որ ադրբեջանական բանակը օգտագործեց իսրաելական հարվածային Harop կամիկաձե-անօդաչուներ։ Ապրիլյան մարտերի ընթացքում այդ անօդաչուները հաջողությամբ խոցեցին հայերի հրետանային մարտկոցները, հակաօդային պաշտպանության համակարգերը, ինչպես նաև զինյալներին ճակատ տեղափոխող ավտոբուսը։

Harop կամիկաձե-անօդաչուները Ադրբեջանին են վաճառվել իսրայելական IAI ընկերության կողմից։ Այնուհետև Ադրբեջանի հետ Orbiter 1K անօդաչուների մատակարարման մասին պայմանագիրը կնքել է իսրաելական Aeronautics ընկերությունը։

Հոդվածում նշվում է, որ Ադրբեջանն էլ սկսել է Zərbə Orbiter դրոնների հավաստագրված արտադրությունը։ 2019 թվականին Ադրբեջանը Իսրայելից ձեռք է բերել SkyStriker դրոններ և սկսել է ընդլայնել սեփական անօդաչուների արտադրությունը։ 2018 թվականին Ադրբեջանում ազդարարել են երեք տարբեր կամիկաձե-անօդաչուների արտադրության ուղղությամբ աշխատանքի մասին։ Այդ դրոնները կարող են երեք ժամվա ընթացքում կախված մնալ օդում և փնտրել համապատասխան թիրախ։

«Դրոնները իդեալականորեն հարմար են նման տեսակի հակամարտությունների համար։ Դրանք թանկարժեք չեն և տիրապետում են թիրախների խոցման բարձր ճշգրտության»,- ընդգծվում է հոդվածում։

Վաշինգտոնում կենտրոնացված Անվտանգության ամերիկյան կենտրոնի աշխատակից Սամուել Բենդետը նշում է, որ զինված հակամարտություններում անօդաչուների օգտագործումը միայն կարագանա։ Սեփական անօդաչուների արտադրության մասին արդեն հայտարարել են Ադրբեջանը, Ուկրաինան, Հայաստանը, Ղազախստանը, Էստոնիան, Բելառուսը և մյուս երկրները։

«Անօդաչուները հանդիսանում են առավել էժան և արդյունավետ միջոցներ։ Կովկասում զինվորները զգալիորեն ավելացրել են իրենց հնարավորությունները»,- ասել է Բենդետը, հավելելով, որ Ղարաբաղում նոր պատերազմը արդեն կլինի անօդաչուների պատերազմ։

ARMENIA.AZ