Ադրբեջանի ԱԳՆ. «Այս հայտարարությունը բացահայտում է Հայաստանի ղեկավարության իսկական մտադրությունը»

12 Փետրվարի 2020 - 10:29

«2020 թվականի հունվարի 30-ին ՄԻԵԴ-ի կայացրած «Սարիբեկյանն ու Բալյանն ընդդեմ Ադրբեջանի» վճիռը վերջնական որոշում չէ և ադրբեջանական կողմը իրավունք ունի 3 ամսում գործը փոխանցել ՄԻԵԴ-ի Մեծ պալատ: Ներկայումս ադրբեջանական կողմը դիտարկում է այդ հարցը»:

Ինչպես տեղեկացնում է Аrmenia.Az-ը, այս մասին հայտարարել է Ադրբեջանի ԱԳ նախարարության մամուլի ծառայության ղեկավար Լեյլա Աբդուլլաևան՝ մեկնաբանելով Հայաստանի ԱԳՆ հայտարարությունը «Սարիբեկյանն ու Բալյանն ընդդեմ Ադրբեջանի» ՄԻԵԴ-ի վճռի առնչությամբ:

Լեյլա Աբդուլլաևան նշել է, որ այդ որոշումը միաձայն չի ընդունվել և ադրբեջանցի դատավոր Լաթիֆ Հուսեյնովն իր կարծիքն է հայտնել դրա առնչությամբ:

«Հիշեցնենք, որ Հայաստանի քաղաքացի Մանվել Սարիբեկյանը ձերբակալվել էր 2010 թվականի սեպտեմբերի 11-ին՝ Հայաստանի և Ադրբեջանի զորքերի շփման գծի հյուսիս-արևմտյան ուղղությամբ հայկական դիվերսիոն խմբի ներթափանցման փորձը կանխելիս: Նրա մոտ հայտնաբերվել էին հետախուզական պարագաներ: Հոկտեմբերի 5-ին նա ինքնասպան եղավ և փաստի առթիվ Բաքվի զինվորական դատախազությունում հարուցվել է քրեական գործ:

Հայաստանի ԱԳՆ-ին հիշեցնեմ, որ հենց ՄԻԵԴ-ի «Չիրագովն ու մյուսներն ընդդեմ Հայաստանի» գործով վճիռը հաստատեց Հայաստանի պատասխանատվությունը Ադրբեջանի դեմ ուղղված ագրեսիայի համար, հաստատեց, որ մեր օկուպացված տարածքներում ստեղծված անօրինական ռեժիմն իր գոյությունը պահպանում է Հայաստանի ռազմական, քաղաքական, ֆինանսական աջակցության շնորհիվ:

Հայաստանի ԱԳՆ-ի հայտարարությունը լիովին հակասում է համատեղ հայտարարությունների ոգուն, որոնք ուղղված են բնակչություններին խաղաղության նախապատրաստելուն և բացահայտում է Հայաստանի ղեկավարության իսկական մտադրությունը»:

ARMENIA.AZ