Դոնալդ Տուսկ. Ղարաբաղյան հակամարտությունը ռազմական լուծում չունի

09 Հուլիս 2019 - 16:33

Հայ-ադրբեջանական, ղարաբաղյան հակամարտությունը կարող է կարգավորվել բացառապես քաղաքական ճանապարհով՝ միջազգային իրավունքին և սկզբունքներին համապատասխան:

Այս մասին Բաքվում հայտարարել է Եվրոպական խորհրդի նախագահ Դոնալդ Տուսկը:

«Եվրամիությունն աջակցում է Ադրբեջանի ինքնիշխանությանը, անկախությանը և տարածքային ամբողջականությանը: Խոսելով տարածաշրջանային կայունության մասին՝ մենք քննարկեցինք նաև չկարգավորված Լեռնային Ղարաբաղի հակամարտությունը: Չկա ռազմական լուծում, կա միայն քաղաքական կարգավորում՝ միջազգային իրավունքին և սկզբունքներին համապատասխան: Եվրամիությունը շարունակում է լիովին աջակցել ԵԱՀԿ Մինսկի խմբի համանախագահների ջանքերին՝ որոնք ուղղված են հակամարտության արդարացի կարգավորմանը Հելսինկյան եզրափակիչ ակտի հիմնական սկզբունքների հիման վրա», - ասել է Դոնալդ Տուսկը Ադրբեջանի նախագահ Իլհամ Ալիևի հետ հանդիպումից հետո, տեղեկացնում է Аrmenia.Az-ը:

Նրա խոսքով, Բրյուսելում բարձր են գնահատում լարվածության ընդհանուր թուլացումը:

«Սակայն, համանախագահների պես մենք էլ ենք անհանգստացած շփման գծում վերջին դեպքերի առնչությամբ, որոնք մարդկային զոհերի պատճառ դարձան: Զսպվածությունը կարևոր է, ինչպես նաև արդյունավետ բանակցությունների անցկացման համար անհրաժեշտ մթնոլորտի ձևավորմանն ուղղված միջոցառումները», - ասել է Տուսկը:

ARMENIA.AZ