ՀՀ Անվտանգության խորհրդի նիստը Ղարաբաղում. սադրանք, թե՞ հանրության համար նախատեսված խաղ. Հայացք Բաքվից

12 Մարտի 2019 - 14:20

Չնայած ԵԱՀԿ Մինսկի խմբի վերջին հայտարարությանը, որտեղ համանախագահները կոչ են անում կողմերին զերծ մնալ այնպիսի հայտարարություններից և գործողություններից, որոնք կարող են բարդություններ ստեղծել բանակցային գործընթացի համար, ցավոք հայկական կողմը հերթական անգամ դիմել է սադրանքի, որը կարող է լրջորեն սրել իրավիճակը և խանգարել Հայաստանի վարչապետի հետ Ադրբեջանի նախագահի ազդարարված առաջիկա հանդիպմանը։ Խոսքը այսօր՝ մարտի 12-ին ծրագրված Հայաստանի Անվտանգության խորհրդի նիստի մասին է։

Թվում է, որ կառավարության առանցքային անդամների մասնակցությամբ նիստի անցկացումը յուրաքանչյուր երկրի ինքնիշխան գործ է։ Նախկինում ևս Հայաստանի վարչապետ Նիկոլ Փաշինյանը, իսկ նրանից առաջ նախագահներ Լևոն Տեր Պետրոսյանը, Ռոբերտ Քոչարյանը և Սերժ Սարգսյանը պարբերաբար հանդիպումներ են անցկացրել Հայաստանի Անվտանգության խորհրդի անդամների հետ։ Բայց Երևանում: Իսկ Նիկոլ Փաշինյանը, ով բազմիցս հայտարարել է, որ իբր իրավունք չունի բանակցելու Ղարաբաղի հայազգի բնակիչների անունից և առանց նրանց համաձայնության ինչ որ խնդիրներ լուծել, որոշել է նիստը անցկացնել Ադրբեջանի օկուպացված տարածքում՝ Լեռնային Ղարաբաղում, ուր նա իր տիկնոջ հետ ժամանել է երեկ, մարտի 11-ին։

Ի դեպ, օգտվելով առիթից, կցանկանայի ընթերցողների ուշադրությունը հրավիրել մի պահի վրա, որին մենք անդրադարձել ենք վերևում։ Մենք բոլորս շատ լավ հիշում ենք Փաշինյանը բազմիցս արած այն հայտարարությունը, թե, նա չի կարող բանակցել Ղարաբաղի հայազգի բնակիչների անունից, քանի որ ընտրությունների ժամանակ նրանք իրեն ձայն չեն տվել: Այո, Ղարաբաղի բնակիչները Փաշինյանի օգտին չեն քվեարկել: Նրա օգտին քվեարկել են ՀՀ Զինված ուժերի Ադրբեջանի օկուպացված տարածքներում տեղակայված զորամասերի զինծառայողները։ Քո քաղաքացիներին դուրս բեր Ղարաբաղից և ցույց տուր, որ պատրաստ ես խաղաղ երկխոսությանը։ Եւ երկրորդը, եթե Ղարաբաղի բնակիչները քեզ չեն ընտրել, ապա դու ինչո՞ւ ես որոշել Հայաստանի Անվտանգության խորհրդի նիստն անցկացնել այն տարածքում, որը որևէ առնչություն չունի Փաշինյանի և Հայաստանի հետ:

Վերադառնանք Ղարաբաղում Հայաստանի Անվտանգության խորհրդի այսօրվա նիստին: Հարց է առաջանում, ի՞նչ է սա, եթե ոչ իրավիճակի գիտակցված, կանխամտածված սրում։ Չէ՞ որ Նիկոլ Փաշինյանը շատ լավ հասկանում է, որ Հայաստանի Անվտանգության խորհրդի նիստը Ղարաբաղում անցկացնելով՝ նա Ադրբեջանին, որը դեռևս փորձում է հակամարտությունը լուծել բացառապես խաղաղ ճանապարհով, հրահրում է ուժային տարբերակի։ Միանգամայն ակնհայտ է, որ Բաքուն Հայաստանի վարչապետի այս դեմարշը կդիտարկի որպես բանակցությունների ընթացիկ ձևաչափից Երևանի հրաժարում։ Իսկ դա նշանակում է, որ Բաքվի ձեռքերը կազատվեն և այս օրերին լայնամասշտաբ զորավարժություններ անցկացնող ադրբեջանական բանակը կարող է չվերադառնալ իր մշտական տեղաբաշխման վայր։ Արդյո՞ք Փաշինյանը գիտակցում է, որ Հայաստանի Անվտանգության խորհրդի նիստը Ղարաբաղում անցկացնելու իր անիմաստ որոշմամբ նա մոտեցնում է պատերազմը, որը կշոշափի ադրբեջանական և հայ ժողովուրդների յուրաքանչյուր ընտանիք։

Թե՞ սա հանրության համար նախատեսված մի խաղ է։ Ներքին լսարանի համար նախատեսված քայլ, քանի որ Հայաստանի «հեղափոխական» կառավարության վարկանիշը վերջին շաբաթվա մեջ կտրուկ անկում է ապրել։ Նման սադրանքներով Փաշինյանը պարզապես փորձում է միավորներ հավաքել հայ հասարակության այն շրջանակներում, որոնք ԼՂ հարցում հանդես են գալիս միլիտարիստական դիրքերից։ Բարեբախտաբար Հայաստանում ոչ բոլորն են պատերազմ ուզում և հայ հասարակության մեջ նման մարդկանց առկայությունը չի կարող մեզ չոգեշնչել, որ վաղ, թե ուշ երկու ժողովուրդները կկարողանան ապրել խաղաղության և հաշտության պայմաններում, ինչպես դա եղել է մինչև 1988 թվականի փետրվարը։ Սակայն, քանի դեռ Հայաստանի իշխանությունները ձեռնարկում են նման սադրիչ քայլեր, ավաղ, մեր երկրների միջև մոտալուտ խաղաղության մասին խոսելն անտեղի է։

Ափսոս, չէ որ թվում էր, որ Հայաստանում հեղափոխական կառավարության իշխանությանը գալուց և այդ պատերազմի հրահրողներին իշխանական օլիմպից հեռացնելուց հետո մենք շատ մոտ ենք այս կծիկը քանդելուն, որը արդեն 30 տարի է երկու կողմերից մարդկանց կյանք է խլում։

Սամիր Վելիև

ARMENIA.AZ