Ադրբեջանի նախագահ. «2019 թվականը դարձավ՝ Ղարաբաղի վերաբերյալ բաց թողնված հնարավորությունների տարի»

28 Նոյեմբերի 2019 - 16:12

16:12:05

Ադրբեջանի նախագահ Իլհամ Ալիևը 2019 թվականը գնահատել է, որպես ղարաբաղյան հակամարտության կարգավորման շրջանակներում բաց թողնված հնարավորությունների տարի:

«Անշուշտ, հակամարտությունը մեծ խնդիր է հանդիսանում տարածաշրջանի համար և վտանգ է ներկայացնում տարածաշրջանի համար: Դժբախտաբար, ես համարում եմ, որ այս տարին կարելի է համարել բաց թողնված հնարավորությունների տարի (ղարաբաղյան կարգավորման մեջ): Դրա պատճառն այն է, որ Հայաստանը խախտում է միջազգային նորմերը և չի կատարում ՄԱԿ-ի Անվտանգության խորհրդի բանաձևերը», - հինգշաբթի Բաքվում Սլովակիայի ԱԳՆ ղեկավար, ԵԱՀԿ գործող նախագահ Միրոսլավ Լայչակի հետ հանդիպմանը ասել է Ի. Ալիևը, հայտնում է Аrmenia.Az-ի՝ հղում անելով «Ինտերֆաքս-Ազերբայջան»-ին:

Հանդիպումից նախագահ Ալիևի խոսքերը մեջբերում է պետության ղեկավարի կայքը:

Նրա խսքով, այս տարի հակամարտության կարգավորման համար տեղի է ունեցել՝ Ադրբեջանի և Հայաստանի առաջնորդների հանդիպումը, երկու երկրների ԱԳՆ ղեկավարներն անցկացրել են բանակցությունների մի քանի փուլ: «Շուտով Սլովակիայում կկայանա ԱԳՆ ղեկավարների հաջորդ հանդիպումը: Հուսով եմ, որ գալիք տարին կդառնա ավելի արդյունավետ, քանի որ հակամարտության շուտափույթ կարգավորումը ձեռնտու է Ադրբեջանին և ես վստահ եմ, որ դա բխում է նաև Հայաստանի շահերից», - նշել է նա:

Ի.Ալիևը համարում է, որ հակամարտության կարգավորման գործընթացում առաջընթացի հասնելու համար անհրաժեշտ են գործնական քայլեր տեղերում: «Առաջին քայլը ադրբեջանական տարածքների դեօկուպացումն է՝ միջազգայնորեն ճանաչված սահմաններում: Իհարկե, մենք քննարկելու ենք նաև այլ հարցեր, սակայն դա կբավականացնի մեկնարկի համար», - ասել է Ադրբեջանի նախագահը:

13:35:03

Նոյեմբերի 28-ին Ադրբեջանի Հանրապետության նախագահ Իլհամ Ալիևն ընդունել է՝ Սլովակիայի Հանրապետության արտաքին և եվրոպական գործերի նախարար Միրոսլավ Լայչակի գլխավորած պատվիրակությանը:

Ինչպես տեղեկացնում է Аrmenia.Az-ը, այդ մասին տեղեկություն է տարածել նախագահի մամուլի ծառայությունը:

ARMENIA.AZ