Ռուսաստանից զբոսաշրջիկները կարող են Վրաստան հասնել Ադրբեջանի տարածքով

09 Հուլիս 2019 - 09:09

Ռուսաստանի տրանսպորտի նախարարությունը հայտարարել է՝ հուլիսի 8-ից վրացական ավիաընկերությունների կողմից Ռուսաստանի տարածքում չվերթների դադարեցման մասին: Վրաստանը միշտ եղել է գրավիչ վայր զբոսաշրջիկների համար:

Զբոսաշրջային հոսքի մեծ մասը բաժին է ընկնում Ռուսաստանին: Ադրբեջանից նույնպես նկատելի է զբոսաշրջիկների զգալի հոսք դեպի Վրաստան:

Ինչպես հայտնում է Armenia.Az-ը՝ հղում անելով վրացական «kvira.ge» լրատվական պորտալին, այս տարվա հունվար-հունիսին Վրաստան այցելող զբոսաշրջիկների թիվը աճել է 10% -ով, մինչև 2,127,142 մարդ: Անցյալ ամիս ամենից շատ այս երկիրն են այցելել Ռուսաստանի, Թուրքիայի, Ադրբեջանի և Հայաստանի քաղաքացիները: Ընթացիկ տարվա առաջին կիսամյակում Ադրբեջանից Վրաստան այցելող զբոսաշրջիկների թվաքանակի աճը՝ տարեկան հաշվարկով կազմել է 8,8%:

Ինչպես պատմել է Ադրբեջանի զբոսաշրջության ասոցիացիայի (ԱԶԱ) նախագահ Նահիդ Բագիրովը, Ադրբեջանը պետք է օգտվի այդ հնարավորությունից:

Նրա խոսքով, այժմ մյուս երկրները փորձում են գրավել ռուս զբոսաշրջիկներին:

Անդրադառնալով Ադրբեջանի կողմից Վրաստանին աջակցությանը, նա նշել է, որ «Վրաստան այցելել ցանկացող զբոսաշրջիկները կարող են օգտվել ավտոբուսներից կամ ինքնաթիռներից Ադրբեջանի միջոցով». Այս առումով մենք առաջարկներ ենք ուղարկել Վրաստանի կառավարության համապատասխան կառույցին: Առաջարկը հետևյալն է՝ Ռուսաստանից ժամանող զբոսաշրջիկները մեկ օր կանգ կառնեն Ադրբեջանում, ապա ավտոբուսով կամ ինքնաթիռով կմեկնեն Վրաստան: Այժմ վրացական կողմը քննարկում է՝ զբոսաշրջիկների համար Բաքվից Վրաստան անվճար ավտոբուսների կազմակերպումը»:

ARMENIA.AZ