Հիկմեթ Հաջիև. Մենք Ադրբեջանը վերածել ենք ոչ թե մեծ ուժերի մարտադաշտի, այլ շուկայական գործառնությունների կենտրոնի

12 Հունիսի 2019 - 11:10

«Ադրբեջանը ունի անկախ արտաքին քաղաքականություն։ Մենք մեր արտաքին քաղաքականությունը կառուցել ենք Ադրբեջանի ազգային շահերին համապատասխան»։

Ինչպես փոխանցում է Armenia.Az-ը, այդ մասին՝ «Atlantic Council»-ում իր ելույթում հայտարարել է՝ նախագահի աշխատակազմի արտաքին քաղաքականության հարցերով բաժնի ղեկավար Հիկմեթ Հաջիևը։

Հ. Հաջիևը նշել է, որ բարդ աշխարհագրական տեղանքում գտնվող Ադրբեջանը ձգտում է հասկանալ իր հարևաններին, և ուզում է, որպեսզի նրանք հասկանան Ադրբեջանի իրողությունները. «Պատմականորեն Ադրբեջանը եղել է մեծ ուժերի մարտադաշտ։ Անկախություն կառուցելը բարդ գործընթաց է, սակայն այն պահապանել և հաջողությամբ շարունակելը՝ բոլորովին այլ մարտահրավեր է։

Ադրբեջանը փոխեց այդ պարադիգման և մենք երկիրը վերածել ենք ոչ թե մեծ ուժերի մարտադաշտի, այլ շուկայական գործառնությունների կենտրոնի։ Ադրբեջանը արդյունավետ համագործակցում է հարևանների հետ։ Հիմնական սկզբունքները, որոնցով Ադրբեջանը ղեկավարվում է հարևանների հետ հարաբերություններում՝ չմիջամտել միմյանց գործերին, կառուցել փոխադարձ հարգանք, փոխշահավետ համագործակցություն և ռազմավարական երկխոսություն։

Փոքր երկիր լինելով հանդերձ՝ արտաքին քաղաքականության մեջ նման հաշվեկշիռ հաստատելը հեշտ բան չէ։ Սակայն մերձավոր հարևանների հետ համագործակցությունը հանդիսանում է Ադրբեջանի բազմավեկտորային արտաքին քաղաքականության առաջնահերթությունը։ Այդ համատեքստում Ադրբեջանը նաև լավ հարաբերություններ է հաստատել ԱՄՆ-ի հետ։

Մենք հուսալի գործընկերներ ենք։ Մենք դա անում ենք՝ անցկացնելով անկախ, թափանցիկ և հեռատես արտաքին քաղաքականություն։ Մենք ոչ ոքի համար բեռ չենք հանդիսանում։ Մենք բացի փոխշահավետ համագործակցությունից, այլ բան չենք ուզում։ Եվ դա համապատասխանում է, ինչպես ադրբեջանական ժողովրդի, այնպես էլ մեր գործընկերների շահերին։

Այստեղ ներառված են Հարավային գազային միջանցքը, կամ Ադրբեջանի կողմից իրագործվող տրանսպորտային նախագծերը։ Հարավը հյուսիսի, արևմուտքը արևելքի հետ միացնող տրանսպորտային երթուղիները հնարավորություններ են բացում տարածաշրջանային համագործակցության համար։ Մենք հավատում ենք, որ ամենալավ բարեկեցությունը՝ ընդհանուր բարեկեցությունն է։ Ադրբեջանը իր զարգացմամբ կիսվում է հարևանների հետ։

ARMENIA.AZ