Միլլի Մեջլիսում մերժել են շվեդա-հայկական պատգամավորական խմբի կողմնակալ հայտարարությունը

10 Մարտի 2025 - 17:25

Միլլի Մեջլիսի Շվեդիայի խորհրդարանի հետ կապերի աշխատանքային խումբը վճռականորեն մերժել է՝Շվեդիայի՝ շվեդա-հայկական պատգամավորական բարեկամության խմբի այս տարվա մարտի 6-ի անհիմն, կողմնակալ և կանխակալ հայտարարությունը։

Ինչպես հայտնում է Armenia.Az-ը, Միլլի Մեջլիսի աշխատանքային խմբի մեկնաբանությունում ընդգծվում է, որ ստից և զրպարտչական մեղադրանքներից բաղկացած այս հայտարարությունը խայտառակ փորձ է՝ խեղաթյուրելու իրերի իրական վիճակը, կասկածի տակ դնելու Ադրբեջանի Հանրապետության ինքնիշխանությունը և արդարացնելու նրանց, ովքեր մեղադրվում են ադրբեջանական ժողովրդի դեմ ռազմական հանցագործությունների մեջ։

«Որպես հայկական լոբբիի մաս՝ դուք միտումնավոր լռում եք Հայաստանի կողմից Ադրբեջանի միջազգայնորեն ճանաչված տարածքների 30-ամյա օկուպացիայի, խաղաղ ադրբեջանցիների դեմ իրականացված անհամար ռազմական հանցագործությունների, էթնիկ զտումների և մարդու իրավունքների զանգվածային խախտումների մասին։ Դուք նախընտրում եք աչք փակել հայկական զինված խմբավորումերի կողմից իրականացված վայրագությունների վրա, Խոջալուի ցեղասպանության, անմեղ մարդկանց, այդ թվում՝ ծերերի, կանանց և երեխաների դաժան սպանությունների և խոշտանգումների վրա։

Երկակի ստանդարտների վրա հիմնված ընտրովի և կողմնակալ մոտեցումը ցույց է տալիս, որ Շվեդիա-Հայաստան խորհրդարանական բարեկամության խմբի իրական նպատակը՝ քաղաքական մանիպուլյացիաների միջոցով Ադրբեջանին նսեմացնելն է։ Պատերազմական հանցագործությունների և անջատողականության մեջ մեղադրվողներին որպես անմեղ «քաղաքական գործիչներ և քաղաքացիական անձինք» ներկայացնելը փաստերի բացահայտ խեղաթյուրում է։ «Ադրբեջանի դատական համակարգը գործում է միջազգային չափանիշներին լիովին համապատասխան, և հակառակի մասին ցանկացած պնդում ոչ այլ ինչ է, քան զրպարտություն»,- ասվում է մեկնաբանության մեջ։

ARMENIA.AZ