Իլհամ Ալիև. Նավթագազային ոլորտն Ադրբեջանի համար մնում է առաջնահերթ ոլորտ

29 Մայիսի 2019 - 16:01

16:01:09

Ադրբեջանի նախագահ Իլհամ Ալիևը վստահ է, որ «Հարավային գազային միջանցք» (ՀԳՄ) նախագիծը հաջողությամբ կիրականացվի:

«Մենք վստահ ենք, որ այդ խոշոր նախագիծը հաջողությամբ կիրականացվի: Որովհետև այս նախագծի իրականացման համար չկա որևէ խնդիր միջազգային համագործակցության կամ ֆինանսական ռեսուրսների առումով», - հայտարարել է նախագահ Իլհամ Ալիևը չորեքշաբթի Բաքվում մեկնարկած «Կասպյան նավթ և գազ» 26-դ միջազգային ցուցահանդեսի ընթացքում, տեղեկացնում է Аrmenia.Az-ը:

Նախագահի խոսքով, դա պայմանավորված է նրանով, որ բացի Ադրբեջանի հատկացրած ֆինանսական միջոցներից՝ ՀԳՄ նախագծի ֆինանսավորման համար վարկ են տրամադրել աշխարհի խոշոր ֆինանսական կառույցները. Համաշխարհային բանկը, Վերակառուցման և զարգացման եվրոպական բանկը, Ասիական զարգացման բանկը, Եվրոպական ներդրումային բանկը և այլն:

Իլհամ Ալիևը նշել է, որ այսօրվա դրությամբ էներգետիկ անվտանգության հարցերը մեծ նշանակություն ունեն:

«Այսօր մեր կողմից իրականացվող նախագծերը ապահովում են ինչպես մեր երկրի, այնպես էլ մի շարք այլ երկրների էներգետիկ անվտանգությունը: Ադրբեջանական նավթն ու գազը համաշխարհային շուկաներ են փոխադրվում տարբեր երթուղիներով: Բարձր է գնահատվում Ադրբեջանի դերը էներգետիկ անվտանգության ապահովման և էներգառեսուրսների դիվերսիֆիկացման հարցերում: Մենք այդ ուղղությամբ հաջող և հետևողական քաղաքականություն ենք վարում», - ասել է նախագահը:

11:29:09

Ադրբեջանի նախագահ Իլհամ Ալիևը չորեքշաբթի մասնակցել է ՝ Բաքվի Էքսպո կենտրոնում XXVI միջազգային ցուցահանդեսի և «Կասպիի նավթ ու գազ-2019» միջազգային խորհրդաժողովի բացմանը:

Այդ մասին հայտնում է Armenia.Az-ը՝ վկայակոչելով պետության ղեկավարի մամուլի ծառայությանը:

ARMENIA.AZ