Լուկաշենկոն կայցելի Ադրբեջան

16 Մայիսի 2024 - 09:09

Մայիսի 15-ին Ադրբեջանի արտաքին գործերի նախարար Ջեյհուն Բայրամովը հանդիպել է՝ այցով մեր երկրում գտնվող Բելառուսի արտաքին գործերի նախարար Սերգեյ Ալեյնիկի հետ:

Ինչպես Armenia.Az-ին հայտնել են արտաքին գործերի նախարարությունում, նախ կայացել է նախարարների դեմ առ դեմ հանդիպումը, որն այնուհետ շարունակվել է ընդլայնված կազմով՝ երկու կողմերի պատվիրակությունների մասնակցությամբ։ Հանդիպմանը քննարկվել են՝ Ադրբեջանի և Բելառուսի միջև ռազմավարական գործընկերության հարցերը, Բելառուսի նախագահի՝ Ադրբեջան նախատեսվող պետական այցի նախապատրաստումը, ինչպես նաև տարածաշրջանային իրավիճակը։

Կողմերը գոհունակությամբ նշել են փոխշահավետ համագործակցությունը՝ տնտեսության, առևտրի, վերամշակող արդյունաբերության, գյուղատնտեսության, տրանսպորտի, զբոսաշրջության, դեղագործության, բարձր տեխնոլոգիաների, հումանիտար և այլ ոլորտներում, որը ձևավորվել է ավելի քան 30 տարի՝ մեր երկրների միջև դիվանագիտական հարաբերությունների հաստատումից ի վեր: Նշվել է, որ համագործակցության ընդլայնման գործում կարևոր դեր է խաղում տնտեսական համագործակցության միջկառավարական համատեղ հանձնաժողովը, որի հաջորդ նիստը կկայանա առաջիկա օրերին։

Խոսելով քաղաքական երկխոսության զարգացման գործում երկու երկրների ղեկավարների միջև ինտենսիվ շփումների բացառիկ դերի մասին՝ Ջեյհուն Բայրամովը նշել է Բելառուսի նախագահի առաջիկա պետական այցի կարևորությունը մեր երկիր, ինչպես նաև տարբեր ուղղությունների վերաբերյալ փաստաթղթերի ստորագրումը՝ այս այցի շրջանակներում։ Նշվել է, որ երկկողմ հարաբերությունները, որոնք ստացել են ռազմավարական գործընկերության բնույթ, հաջողությամբ շարունակվում են տարածաշրջանային և միջազգային հարթակների, այդ թվում՝ ՄԱԿ-ի, ԵԱՀԿ-ի և ԱՊՀ-ի շրջանակներում։

ARMENIA.AZ