ԵԱՀԿ-ում ԱՄՆ մշտական ներկայացուցիչ. Վաշինգտոնը ցանկանում է սահմանի սահմանազատում և խաղաղություն Բաքվի և Երևանի միջև

30 Նոյեմբերի 2022 - 14:48

Նախօրեին հատուկ առցանց ճեպազրույց է անցկացրել ԵԱՀԿ-ում (Եվրոպայում անվտանգության և համագործակցության կազմակերպություն) ԱՄՆ մշտական ներկայացուցիչ Մայքլ Քարփենթերը։

Ինչպես հայտնում է Armenia.Az-ը՝ վկայակոչելով Պետդեպարտամենտին, ճեպազրույցի ժամանակ լրագրողները հարցրել են, թե արդյո՞ք մոտ ապագայում նախատեսվում է Ադրբեջանի և Հայաստանի արտգործնախարարների հանդիպում՝ չնայած Բաքուն հրաժարվել է մասնակցել Երևանի հետ բանակցություններին Ֆրանսիայի նախագահ մասնակցությամբ։

«Հայաստանի և Ադրբեջանի միջև համաձայնության հասնելու քաղաքականությունը կբերի տարածաշրջանում խաղաղության և հարաբերությունների կարգավորման։ Ինչպես գիտեք, Միացյալ Նահանգները շատ ակտիվորեն ներգրավված են այս գործընթացում, ես կասեի, որ շատ շահագրգռված է խաղաղ համաձայնագրի ստորագրման մեջ: Մենք շարունակելու ենք փորձեր անել՝ մերձեցնելու երկու երկրների նախարարների և ղեկավարների դիրքորոշումները։ Գաղտնիք չէ, որ այս հարցում մենք շատ սերտ համագործակցում ենք ԵՄ մեր գործընկերների հետ և դիտարկում ենք ԵԱՀԿ-ի բոլոր անհրաժեշտ միջոցներն օգտագործելու հնարավորությունը։

Մենք ուզում ենք, որ տարածաշրջանում կայունություն հաստատվի, Հարավային Կովկասի պատմության նոր էջ բացվի:

Ակնհայտ է, որ վերջնական արդյունքի հասնելու համար որոշակի ժամանակ կպահանջվի, սակայն մենք պատրաստ ենք անել հնարավոր ամեն ինչ այս գործընթացին աջակցելու համար»,- ասել է Քարփենթերը։

ARMENIA.AZ