Օրբանը՝ Ադրբեջանի հետ համագործակցության մասին. «Դա կարևոր է ոչ միայն տնտեսական, այլև հոգևոր տեսանկյունից»

20 Մայիսի 2025 - 18:09

Ադրբեջանը վստահեցրել է Հունգարիային, որ այս տարի կշարունակի գազի մատակարարումները։

Ինչպես հաղորդում է Report-ը, այս մասին հայտարարել է Հունգարիայի վարչապետ Վիկտոր Օրբանը՝ Ադրբեջանի նախագահ Իլհամ Ալիևի հետ համատեղ մամուլի ասուլիսում։

Նա նշել է, որ Հունգարիան կարող է ապահովել իր տնտեսության անվտանգությունը՝ թուրքալեզու գործընկեր պետությունների հետ համագործակցության միջոցով։

«Մեր համագործակցությունը Ադրբեջանի հետ կարևոր է ոչ միայն տնտեսական, այլև հոգևոր տեսանկյունից։ Մենք մեզ ավելի հարմարավետ ենք զգում»։

Օրբանն հայտարարել է, որ հավատում է, որ Ադրբեջանի և Հայաստանի միջև խաղաղության համաձայնագիրը շուտով կստորագրվի։

«Մենք շատ ուրախ ենք, որ Ադրբեջանը համաձայնության է եկել Հայաստանի հետ խաղաղության համաձայնագրի տեքստի շուրջ։ Հավատում ենք, որ մոտ ապագայում խաղաղության համաձայնագիրը կստորագրվի»։

Օրբանը նաև հատարարել է, որ պատժամիջոցները խաթարել են եվրոպական տնտեսության և շուկայի հիմքերը։

Նա նշել է, որ Հունգարիան պարբերաբար բախվում է էներգետիկ ճգնաժամի։

«Մեր իրավիճակը բարելավեց այն, որ մենք ամբողջությամբ չդադարեցրինք համագործակցությունը Ռուսաստանի հետ։ Բացի այդ, առանց թուրքական երկրների դժվար կլիներ ապահովել մեր էներգետիկ անվտանգությունը։ Արդեն երեք տարի է, ինչ հարևանությամբ պատերազմ է ընթանում։ Եվրամիությունը ընտրել է պատերազմը շարունակելը։ «Եվրոպական տնտեսությունը դժվարին իրավիճակում է», - ասել է նա։

ARMENIA.AZ