Ֆարիզ Ռզաևը՝ ադրբեջանա-լատվիական կապերի մասին

26 Նոյեմբերի 2024 - 13:21

Ադրբեջանա-լատվիական հարաբերությունները կառուցված են լավ պատմական ավանդույթների վրա: Այս տարի լրանում է Ադրբեջանի և Լատվիայի միջև դիվանագիտական հարաբերությունների հաստատման 30 տարին։ Անցած ժամանակահատվածում մեր երկրները՝ փոխադարձ վստահության և հարգանքի վրա հիմնված կապեր են հաստատել:

Ինչպես հայտնում է Armenia.Az-ը, այս մասին հայտարարել է Ադրբեջանի փոխարտգործնախարար Ֆարիզ Ռզաևը՝ Լատվիայի Հանրապետության հռչակման 106-րդ տարեդարձի կապակցությամբ կազմակերպված պաշտոնական ընդունելության ժամանակ։

Նա նշել է, որ 2017 թվականին Ադրբեջանի նախագահի Լատվիա կատարած պաշտոնական այցի ժամանակ ստորագրված ռազմավարական գործընկերության մասին համատեղ հռչակագիրը՝ երկկողմ հարաբերությունները բարձրացրել է ռազմավարական գործընկերության մակարդակի։

«Այս տարի Լատվիայի Սեյմի նախագահը այց է կատարել Ադրբեջան։ Նյու Յորքում ՄԱԿ-ի Գլխավոր ասամբլեայի շրջանակներում կայացել է՝ երկու երկրների արտգործնախարարների հանդիպումը, իսկ Ռիգայում կայացել է արտաքին քաղաքական գերատեսչությունների միջև ռազմավարական երկխոսության վերաբերյալ 3-րդ հանդիպումը։ Այս ամենը խոսում է այն մասին, որ մեր երկրները մշտապես պահպանում են քաղաքական երկխոսություն։ Մենք վստահ ենք, որ համատեղ ջանքերի շնորհիվ՝ Ադրբեջանի և Լատվիայի միջև բարեկամությունը և ռազմավարական գործընկերությունը կշարունակեն ընդլայնվել՝ ի շահ երկու պետությունների և ժողովուրդների», - ընդգծել է Ֆարիզ Ռզաևը։

ARMENIA.AZ