Բաքվում շարունակվում է Վարդանյանի գործով դատավարությունը

02 Ապրիլի 2025 - 09:46

Ապրիլի 1-ին շարունակվել է՝ Հայաստանի քաղաքացի Ռուբեն Վարդանյանի դեմ հարուցված քրեական գործով դատավարությունը, որը մեղադրվում է խոշտանգումների, վարձկանության, պատերազմի օրենքների ու սովորույթների խախտման, ահաբեկչության, ահաբեկչության ֆինանսավորման և Ադրբեջանի Քրեական օրենսգրքի այլ հոդվածներով։

Ինչպես հայտնում է AzerTac-ը, Բաքվի ռազմական դատարանում դատավոր Զեյնալ Աղաևի նախագահությամբ՝ դատավորներ Անար Ռզաևի և Ջամալ Ռամազանովի (պահեստային դատավոր Գյունել Սամեդովա) կազմով անցկացված բաց դատական նիստում մեղադրյալին տրամադրվել է թարգմանիչ՝ նրա խոսած լեզվով, այսինքն՝ ռուսերեն, ինչպես նաև՝ նրա ընտրությամբ փաստաբան։

Նիստում ցուցմունք է տվել տուժողը՝ Ադրբեջանի ՊՆ Քելբեջարի շրջանում տեղակայված N զորամասի նյութատեխնիկական ապահովման բաժնի պետ Սոհբեթ Շուքյուրովը։ Նա հայտարարել է, որ թեև իր ծառայության վայրը հեռու է եղել հայկական զինված ուժերի հետ շփման գծից, սակայն տարբեր աստիճանի վնասվածքներ է ստացել՝ հայաստանի ԶՈՒ-ի ռազմական սադրանքի ժամանակ ականանետային գնդակոծության հետևանքով։

Ադրբեջանի ՊՆ N զորամասի բուժստորաբաժանման ֆելդշեր Սամիր Յուսիֆովը ցուցմունք է տվել, որ տարբեր ծանրության վնասվածքներ է ստացել Հայաստանի Զինված ուժերի կողմից արձակված ականանետային արկի պայթյունի հետևանքով, երբ փորձել է տարհանել ադրբեջանական ԶՈւ-ի զինծառայողների դիերը, ովքեր զոհվել են Քելբեջարի շրջանում հայկական զինված ուժերի լայնածավալ սադրանքները կանխելու ժամանակ։

Այնուհետև հրապարակվել են տուժողների դատաբժշկական փորձաքննության եզրակացությունները։ Հաջորդ դատական նիստը նշանակվել է ապրիլի 8-ին։

ARMENIA.AZ