Իլհամ Ալիև. Ադրբեջանը ապագայում սպառազինություն կգնի Ղարաբաղում ռազմական գործողությունների արդյունքների հաշվառմամբ

28 0Հոկտեմբերի 2020 - 21:14

Ադրբեջանը ապագայում ռազմական տեխնիկա կգնի՝ ելնելով ղարաբաղյան հակամարտության գոտում ներկայիս մարտական գործողությունների փորձից, հայտարարել է Ադրբեջանի նախագահ Իլհամ Ալիևը։

«Ես ոչ վաղուց խորհրդակցություն եմ անցկացրել զինվորականների հետ, և ասել եմ, որ հաջողությունների հետ մեկտեղ, մենք պետք է վերլուծենք նաև բացթողումները։ Եվ արդեն ապագայում, մենք ռազմական տեխնիկա կգնենք՝ ելնելով այդ փորձից, այլ ոչ թե նրանից, թե պարզապես ինչ է մնացել պահեստներում»,- ասել է Ի.Ալիևը՝ «Ինտերֆաքս»-ին և «Ինտերֆաքս-Ազերբայջան»-ին տված հարցազրույցում, փոխանցում է Armenia.Az-ը։

Անդրադառնալով Ադրբեջանի զինված ուժերի զինանոցին՝ պետության ղեկավարը ընդգծել է, որ այն բաղկացած է ոչ միայն անօդաչու թռչող սարքերից։

«Ադրբեջանական բանակի զինանոցը, անշուշտ, բաղկացած է ոչ միայն անօդաչու թռչող սարքերից։ Մենք ունենք ժամանակակից ռուսական, իսրայելական, բելառուսական արտադրության ՀՕՊ համակարգեր, մի քանի ՀՕՊ համակարգեր, որոնք խոցում են հրթիռների մեծ մասը, որոնք արձակվում են Հայաստանի տարածքից։ Ցավոք մենք բոլորը խոցել չենք կարող։ Մենք ունենք ամենաարդիական զրահատեխնիկա՝ Տ-72 արդիականացված տանկեր, ամենաժամանակակից Տ-90 տանկեր, հետևակի մարտական մեքենաներ (ՀՄՄ), ժամանակակից և շատ հեռահար հրետանի, Դրանք են՝ «Պոլոնեզ», «LORA», «Kasirga"» հրթիռները և այլն։ Մենք մեր բանակի սպառազինությանը միակողմանիորեն չենք մոտեցել։ Բայց պատերազմի վարման ժամանակակից մեթոդները, անշուշտ տարբերվում են նրանցից, ինչ եղել են 90-ական թվականներին, հետևաբար անօդաչու ավիացիան հանդիսանում է մեր մարտունակության կարևոր գործոնը, առավել ևս այսպիսի ամրակառույցների հաշվառմամբ (հակառակորդի մոտ- ԻՖ)»,- նշել է նա։

Նախագահն ընդգծել է, որ անօդաչու ավիացիան, այդ թվում նաև թուրքական և իսրայելական անօդաչու թռչող սարքերը Ադրբեջանի ԶՈՒ-ին շատ են օգնել հակառակորդի ռազմական տեխնիկայի ոչնչացման մեջ»։

«Անօդաչու թռչող սարքերի միջոցով մենք ոչնչացրել ենք C-300 ԶՀՀ-ներ՝ առնվազն 6-ը։ Ավելին, ժամանակակից ԱԹՍ-ները, բացի ինքնուրույն հարված հասցնելուց, ինքնուրույն հետախուզություն են անցկացնում, դրանք նաև համակարգում են հրետանին, որը այնուհետև հարված է հասցնում։ Հետևաբար սա մեր հաջողության կարևոր գործոնն է։ Բայց, ինչպես ասել եմ, հողերը ազատագրում է ադրբեջանական զինվորը և սպան, բարձրացնում են մեր դրոշը։ Հետևաբար այս ամենը մեր նվաճումն է և ադրբեջանական բանակը պատահական չի համարվում ամենամարտունակներից մեկը»,- հայտարարել է Ի.Ալիևը։

Հարցազրույցի լրիվ տեքստը ներկայացվել է Armenia.Az-ի ռուսական տարբերակում։

ARMENIA.AZ