Ռամիզ Մեհդիևը հանդիպել է Ռուսաստանի Գիտությունների ակադեմիայի փոխնախագահի հետ

28 0Հոկտեմբերի 2019 - 15:11

Ադրբեջանի Գիտությունների ազգային ակադեմիայի նախագահությունում տեղի է ունեցել ԱԳԱԱ-ի նախագահ, ակադեմիկոս Ռամիզ Մեհդիևի հանդիպումը՝ Ռուսաստանի գիտությունների ակադեմիայի (ՌԳԱ) փոխնախագահ, ակադեմիկոս Թալիա Խաբրիևայի հետ:

Ինչպես Аrmenia.Az-ին հայտել են ԱԳԱԱ-ից, ակադեմիկոս Ռամիզ Մեհդիևը հայտնել է, որ 2005 և 2019 թվականներին ստորագրված գիտական համագործակցության համաձայնագրերի հիման վրա՝ երկու երկրների գիտական կառույցների միջև ստեղծվել են սերտ գործընկերային փոխհարաբերություններ, որոնք հաջողությամբ զարգանում են:

Խոսելով այս տարվա մայիսին ստորագրված գիտատեխնիկական համագործակցության վերաբերյալ համաձայնագրի կարևորության մասին, ակադեմիկոսը նշել է, որ վերը նշված փաստաթղթում արտացոլվել են այնպիսի հարցեր, ինչպիսիք են՝ գիտության և տեխնիկայի գերակա ոլորտներում համատեղ գիտական նախագծերի մշակումը և իրականացումը, փորձի և տեղեկատվության փոխանակումը, բարձրակարգ մասնագիտացված կադրերի պատրաստումը, գիտական հետազոտությունների համակարգումը, համատեղ գիտական միջոցառումների կազմակերպումը և այլն, և ընդգծել է, որ ներկայումս այդ բոլոր աշխատանքները հաջողությամբ կատարվում են:

ԱԳԱԱ-ի ղեկավարը խոսել է նաև Ակադեմիայի և Ռուսաստանի տարբեր գիտակրթական հաստատությունների միջև ստորագրված այլ պայմանագրերի և դրանց իրականացման ընթացքում ձեռք բերված կարևոր արդյունքների մասին:

Շնորհակալություն հայտնելով ԱԳԱԱ-ի ղեկավարին՝ ջերմ ընդունելության համար, Ռուսաստանի գիտությունների ակադեմիայի փոխնախագահ, ակադեմիկոս Թալիա Խաբրիևան շնորհավորել է ակադեմիկոս Ռամիզ Մեհդիևին՝ ԱԳԱԱ-ի նախագահի պաշտոնում ընտրվելու կապակցությամբ և գիտնականին է հանձնել՝ Ռուսաստանի Գիտությունների ակադեմիայի նախագահի, ակադեմիկոս Ալեքսանդր Սերգեևի շնորհավորական ուղերձը: Խոսելով Կասպիական երկխոսության նախագծի մասին՝ ակադեմիկոս Թալիա Խաբրիևան նշել է, որ այս նախագիծը ազդեցություն կունենա համատեղ հետազոտությունների կազմակերպման վրա՝ ոչ միայն տնտեսագիտության, բնապահպանության, էներգետիկայի և էթնիկ միգրացիայի ոլորտում, այլև հումանիտար գիտությունների ոլորտի՝ գրականության, արվեստի պատմության, ազգագրության, փիլիսոփայության, հնագիտություն և այլնի վրա:

Ռուսաստանի գիտությունների ակադեմիայի ղեկավարության անունից, ակադեմիկոս Թալիա Խաբրիևան ակադեմիկոս Ռամիզ Մեհդիևին հրավիրել է այցելել Մոսկվա:

ARMENIA.AZ