ԱԳՆ. Հայաստանի քաղաքական ղեկավարության այցը Շուշա Երևանի հերթական սադրանքն է

08 Մայիսի 2019 - 11:27

«Հայաստանի քաղաքական ղեկավարության այցը օկուպացված Շուշա և այնտեղ «հաղթանակի օրվա» տոնումը հանդիսանում է հայկական կողմի հերթական սադրանքը և հերթական անգամ ապացուցում է, որ Ադրբեջանի տարածքներն օկուպացրել է հենց Հայաստանը»:

Ինչպես տեղեկացնում է Аrmenia.Az-ը, այս մասին ասված է Ադրբեջանի ԱԳՆ-ի՝ Շուշայի օկուպացիայի 27-րդ տարելիցի կապակցությամբ տարածած հայտարարությունում:

«Հայաստանի ղեկավարության այս քայլը, ինչպես և նշված է «Չիրագովը և մյուսներն ընդդեմ Հայաստանի» գործով Մարդու իրավունքների եվրոպական դատարանի 2015 թվականի հունիսի 16-ին կայացրած որոշման մեջ, հերթական անգամ ապացուցում է, որ Հայաստանը շարունակում է իր վերահսկողության տակ պահել Ադրբեջանի օկուպացված հողերը:

Միջազգային հանրության դիրքորոշումն այս հարցում միանշանակ է: Բոլոր միջազգային կազմակերպությունների և աշխարհի երկրների դիրքորոշումների, հատկապես ՄԱԿ-ի Անվտանգության խորհրդի կողմից ընդունված բանաձևերի համաձայն, Լեռնային Ղարաբաղը ճանաչվում է որպես Ադրբեջանի անբաժանելի մաս, պահանջվում է բոլոր օկուպացիոն ուժերն անհապաղ դուրս բերել ադրբեջանական հողերից:

Ադրբեջանը շահագրգռված է տվյալ հակամարտության խաղաղ ճանապարհով կարգավորմամբ և տարածաշրջանում կայուն խաղաղության հաստատմամբ: Եթե բանակցությունների արդյունքում օկուպացված հողերը չազատվեն, ապա Ադրբեջանն իրեն իրավունք է վերապահում ցանկացած ճանապարհով վերականգնել իր ինքնիշխանությունն ու տարածքային ամբողջականությունը», - ասված է ԱԳՆ-ի հայտարարության մեջ:

ARMENIA.AZ