Haber Global. Ադրբեջանը պաշտոնական ներողություն է ակնկալում Ռուսաստանից

28 Դեկտեմբերի 2024 - 13:38

Դեկտեմբերի 25-ին «Ադրբեջանական ավիաուղիներ»-ի (AZAL) Բաքու-Գրոզնի երթուղով չվերթ իրականացնող մարդատար ինքնաթիռը վթարի է ենթարկվել։ Միջադեպը բազմաթիվ հարցեր է թողել անպատասխան։

Ինչպես տեղեկացնում է Armenia.Az-ը, այս մասին ասվում է թուրքական Haber Global հեռուստաալիքի սյուժեում։

Սյուժեում ասվում է, որ միջադեպի հետևում կանգնած է Ռուսաստանը, և այժմ բազմաթիվ հարցեր են ծագում. 67 ուղևորներով AZAL-ի ինքնաթիռը չորեքշաբթի Բաքվից մեկնել է Գրոզնի։ Սակայն Չեչնիայի մայրաքաղաքին մոտենալով՝ նա հանկարծ փոխել է երթուղին և շարժվել դեպի ղազախական Ակտաու քաղաք։ Ինքնաթիռը վթարի է ենթարկվել վթարային վայրէջք կատարելիս: Ադրբեջանցի պաշտոնատար արձանց խոսքով՝ կործանման պատճառ են դարձել ռուսական հրթիռները։ Երբ ինքնաթիռը մտել է Ռուսաստանի օդային տարածք, այն խոցվել է ռուսական «Պանցիր-Ս» հակաօդային պաշտպանության համակարգի կողմից, որը փորձում էր խոցել ուկրաինական անօդաչու թռչող սարքերը։ Արձակված հրթիռը պայթել է ինքնաթիռի մոտ, իսկ բեկորները վնասել են ինքնաթիռի իրանը՝ դրա վրա թողնելով մեծ ու փոքր անցքեր։ Օդաչուներն աղետի ազդանշան են ուղարկել և վթարային վայրէջք են խնդրել, սակայն Ռուսաստանի երկու օդանավակայաններում վայրէջքի թույլտվությունը մերժվել է: Փոխարենը, ինքնաթիռը ուղղորդվել է՝ դեպի Կասպից ծովի մյուս կողմում գտնվող ավելի հեռավոր Ակտաու օդանավակայան»։

ARMENIA.AZ