Ալիև. Ադրբեջանում կրոնական հողի վրա խտրականության և կոնֆլիկտների դեպքեր երբեք չեն եղել

23 Դեկտեմբերի 2024 - 12:40

Ադրբեջանի նախագահ Իլհամ Ալիևը ուղերձ է հղել Բաքվում ընթացող կրոնական գործիչների «Կրոնական կրթության արդի հիմնախնդիրները. ավանդույթներ, փորձ և հեռանկարներ» թեմայով համաժողովի մասնակիցներին։

Ինչպես հայտնում է Armenia.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Իր ուղերձում Իլհամ Ալիևն ընդգծել է, որ Ադրբեջանում, որտեղ խաղաղ գոյակցում են տարբեր կրոնական դավանանքների ներկայացուցիչներ, ձևավորվել է ազգային-մշակութային հարաբերությունների առաջադեմ համակարգ՝ հիմնված փոխադարձ վստահության և հարգանքի վրա։

Նախագահը նշել է, որ Ադրբեջանում երբեք չեն եղել խտրականության կամ կրոնական հողի վրա կոնֆլիկտի դեպքեր։ Պատահական չէ, որ այսօր Ադրբեջանը, որը հաջողությամբ ընդունում է համաշխարհային կրոնական առաջնորդների միջազգային հեղինակավոր միջոցառումները, դարձել է միջմշակութային համագործակցության և երկխոսության տարածություն։

Երկրի ղեկավարը հայտարարել է, որ էթնոմշակութային բազմազանության պահպանումը և մուլտիկուլտուրալիզմի արժեքների տարածումը Ադրբեջանում պետական քաղաքականության հիմնական ուղղություններից են։

Իլհամ Ալիևը նշել է, որ կրոնական քաղաքականությունը մեր երկրում իրականացվում է ժողովրդավարության սկզբունքներին և միջազգային նորմերին համապատասխան, և Ադրբեջանն այդ պրակտիկան համարում է սոցիալ-քաղաքական կայունության և համերաշխության կարևոր գործոն։

Նախագահը հավելել է, որ ներկայումս աշխարհում տեղի ունեցող բարդ գործընթացները, կրոնի վերածումը քաղաքական նպատակներին հասնելու գործիքի, ինչպես նաև այլատյացության և ծայրահեղականության նման բացասական դրսևորումները լուրջ սպառնալիքներ են ստեղծում միջազգային խաղաղության և անվտանգության համար։

Ուստի մեր ժամանակի հրատապ խնդիրներից են հոգևոր և բարոյական դաստիարակչական աշխատանքի կատարելագործումը, կրոնական դաստիարակության և լուսավորության ամրապնդումը։

Իլհամ Ալիևը վստահություն է հայտնել, որ համաժողովը կանցնի կառուցողական քննարկումների մթնոլորտում և արժանի ներդրում կունենա կրոնական կրթության և հոգևոր ու բարոյական արժեքների առաջմղման գործում։

ARMENIA.AZ