Ադրբեջանական համայնքը դիմել է Ռուսաստանի Պետդումայի խոսնակին

14 0Հոկտեմբերի 2019 - 15:33

Մոսկվայի մարզի ադրբեջանցիների տարածաշրջանային ազգամշակութային ինքնավարությունը դիմում է հղել՝ Ռուսաստանի Դաշնության Պետական Դումայի նախագահ Վյաչիսլավ Վոլդինին և Ռուսաստանի Դաշնության արտաքին գործերի նախարար Սերգեյ Լավորվին՝ Ադրբեջանի օկուպացված տարածքներում միջոցառմանը Կոնստանտին Զատուլինի մասնակցության հետ կապված։

Ինչպես փոխանցում է Armenia.Az-ը՝ նամակում նշվում է, որ Մոսկվայի մարզի ադրբեջանցիների տարածաշրջանային ազգամշակույթային ինքնավարությունը իր պարտք է համարում տեղեկացնել, որ 2019 թվականի հոկտեմբերի 11-ին՝ Կոնստանտին Զատուլինը ելույթ է ունեցել, այսպես կոչված Արցախի բարեկամների՝ «Համագործակցություն հանուն արդարության և խաղաղության» միջազգային ֆորումին։

«Մենք կցանկանայինք պարզաբանել և պատասխաններ ստանալ հարցերին, ինչպես նաև հաշվի առնելով էթիկական նորմերի խախտումը՝ դնել ՊԴ պատգամավորին ելույթի իրավունքից զրկելու հարցը.

—Ու՞մ հրավերով է Կ. Ֆ. Զատուլինը ժամանել այդ ֆորումին։

—Ո՛չ ՄԱԿ-ի, ո՛չ Ռուսաստանի, և նույնիսկ ո՛չ Հայաստանի կողմից չճանաչված այսպես կոչված Արցախի ղեկավարությա՞ն։

—Ու՞մ է ներկայացրել նա և, որպես ո՞վ, ո՞ր կազմակերպության անունից է նա ելույթ ունեցել։

—Որպե՞ս Պետական Դումայի առաջին փոխնախագահ, թե՞որպես ԱՊՀ երկրների կառույցի տնօրեն։

—Կ. Զատուլինը, որպես ԱՊՀ կառույցի տնօրեն ճիշտ չի հասկացել իր գլխավոր խնդիրների շրջանակը, մասնավորապես. 1) նախկին միութենական հանրապետությունների ներքին և արտաքին քաղաքականության կանխատեսում. 2) նախկին ԽՍՀՄ-ի տարածքում էթնոսոցիալական և ռազմաքաղաքական հակամարտությունների դիտարկում. 3) դրանց կարգավորման և կանխարգելման վերաբերյալ առաջարկությունների մշակում։

— Արդյո՞ք նրա բոլոր արտահայտությունները Ռուսաստանի պետության, ՌԴ ՊԴ ԴԺ-ի պաշտոնական դիրքորոշումն են։

—Դուք ի՞նչպես եք գնահատում նրա արտահայտությունների համապատասխանությունը ԱՊՀ գործերով Պետական Դումայի կոմիտեում զբաղեցնող պաշտոնի հետ։

—Ինչպե՞ս կարելի է հասկանալ նրա բառերը. «Համոզված եմ, որ Ռուսաստանի Դաշնությունը, որպես պետություն թույլ չի տա ղարաբաղի հակամարտության անարդարացի լուծումը։ Ռուս ժողովուրդը առաջին հերթին գնահատում է խողճը և արդարությունը։ Իսկ դրանք ձեր կողմն են»։

—Ի՞նչ է նշանակում ղարաբաղյան հակամարտության անարդար լուծում։

Արտահայտելով ռուսաստանցիների, շատ ազգերի կարծիքը, պահանջում ենք.

1. Հաշվի առնելով էթիկական նորմերի խախտումը, ՊԴ-ի պատգամավոր Կ. Զատուլինին, ընդ որում ոչ ուղղակի պատգամավորի, այլ ՌԴ ՊԴ ԴԺ-ի կոմիտեի առաջին փոխնախագահի՝ զրկել Ռուսաստանի Դաշնության սահմաններից դուրս ելույթ ունենալու իրավունքից։

2. ԱՊՀ երկրների կառույցի հիմնադիրների (ՌԴ ԱԳՆ, ՄՄՀՊԻ) առջև դնել՝ տնօրենի պաշտոնի հետ Կ. Զատուլինի անհամապատասխանության հարցը, հաշվի առնելով գլխավոր խնդիրների շրջանակի չիրագործումը։

3. ՌԴ Անվտանգության Խորհրդի անդամների առջև դնել՝ Կ. Զատուլինին Գիտական խորհրդի անդամությունից զրկելու հարցը»,- նշվում է ուղերձում։

ARMENIA.AZ