Այց Իրան։ Ինչպիսի՞ փորձության առաջ կկանգնի Փաշինյանը - ԿԱՐԾԻՔ

10 Օգոստոսի 2018 - 17:08

Հայաստանի ղեկավար Նիկոլ Փաշինյանը նպատակդրված է մոտ ժամանակներում այցելել Իրան։ Ինչու Իրան, ինչու հիմա, երբ այնտեղ նկատվում է անկայունություն, ինչումն է այդ այցի անհրաժեշտությունը, որը կարելի է հետաձգել։

Armenia.Az-ը ձեր ուշադրությանն է ներկայացնում տվյալ հարցի վերաբերյալ փորձագետների կարծիքը։

Ռուսաստանցի քաղաքական վերլուծաբան Դենիս Կորկոդինովը նշել է, որ Փաշինյանին հարկավոր է միջանցք և ազատ տնտեսական գոտու զարգացում՝ այլ կերպ ասած, նրան ուղղակի գումարներ են հարկավոր։

«Նիկոլ Փաշինյանը ունենալով Հայաստանի վեստերնիզացման վերաբերյալ բարեփոխումների շարունակումը իրականացելու համար ֆինանսավորում գտնելու նպատակադրվածություն՝ ձգտում է նախապես ստանալ մի շարք միջազգային գործընկերների աջակցությունը, ովքեր առայժմ առավելապես պատրաստ չեն զգալի ֆինանսական միջոցներ ներդնել անցումային տնտեսության մեջ»,- ասել է փորձագետը։

Նա նշել է, որ Իրանը հնարավոր է, որ ձգտում է իրագործել Հայաստանում ազատ տնտեսական գոտու ստեղծման նախագիծ, սակայն «թավշյա հեղափոխությունը» հետին պլան է մղել այդ նախագիծը։

«Այաթոլայի վարչակարգը նախապատվություն է տալիս նախ հետևել նրան, թե հետագայում Նիկոլ Փաշինյանը ինչպիսի քաղաքականություն կանցկացնի հենց Իրանի նկատմամբ։ Եվ, եթե Թեհրանը հանգի վարչապետի հանրային հայտարարությունների կասկածելի բնույթին, ապա կարելի է լիովին վստահ լինել նրանում, որ տնտեսության ոլորտում հայ-իրանական հարաբերությունները նույնպես կընդունեն հույժ մտահայեցական բնույթ»,- եզրափակել է Կորկոդինովը։

Այդ թեմայի վերաբերյալ իր կարծիքն է հայտնել նաև ադրբեջանցի քաղաքագետ Էլխան Շահինօղլուն։

Նրա խոսքով, վարչապետի պաշտոնում ընտրվելուց հետո, Նիկոլ Փաշինյանը շատ է խոսել Իրանի վերաբերյալ, ընդգծել է այդ պետության հետ կապերը զարգացնելու անհրաժեշտությունը։ Հետևաբար և բարձրացվել է Փաշինյանի Իրան այցելելու մասին հարցը։

Հայաստանի վարչապետը ուղղակի ընտրել է անհաջող պահ։

«Նախ, Փաշինյանը ուզում է սեպտեմբերին Նյու-Յորքում ՄԱԿ-ի նստաշրջանի ժամանակ հանդիպել ԱՄՆ-ի նախագահ Դոնալդ Թրամփի հետ։ Թրամփի հետ հանդիպման նախաշեմին Իրան այցը հազիվ թե կհասկանան Վաշինգտոնում։ Սպիտակ տան ղեկավարը նույնիսկ կարող է հրաժարվել Իրան այցելած վարչապետի հետ հանդիպումից։

Երկրորդը, Իրանի տնտեսությունը ծանր օրեր է ապրում, ռիալը սրնթաց արժեզրկվում է, աճում է գնաճը և գործազրկությունը։

«Այսինքն Թեհրանը նույնիսկ ցանկության դեպքում չի կարողանա Հայաստանի հետ ընդլայնել տնտեսական համագործակցությունը, չի կարողանա ֆինանսավորել խոստացած նախագծերը։ Այնպես, որ Փաշինյանի Իրան այցից լուրջ արդյունքներ չեն ակնկալվում»,- եզրափակել է Շահինօղլուն։

Բայց ահա քաղաքական փորձագետ Արզու Նագիևը համոզված է, որ Իրանը Հայաստանի համար հանդիսանում է այն պետությունը, որտեղ կա արտաքին աշխար դուրս գալու ելք։

ÃÂÃÂÃÂÃÂ°ÃÂÃÂÃÂÃÂÃÂÃÂ¸ÃÂÃÂ½ÃÂÃÂºÃÂÃÂ¸ ÃÂÃÂ¿ÃÂÃÂ¾ ÃÂÃÂ·ÃÂÃÂ°ÃÂÃÂ¿ÃÂÃÂÃÂÃÂ¾ÃÂÃÂÃÂÃÂ ÃÂÃÂÃÂÃÂÃÂÃÂ·ÃÂÃÂ ÃÂÃÂÃÂÃÂ°ÃÂÃÂ³ÃÂÃÂ¸ÃÂÃÂµÃÂÃÂ²

«Երկու երկրների միջև գոյություն ունեն մի քանի տնտեսական նախագծեր, որոնք կարող են ընկնել Իրանի դեմ ԱՄՆ-ի պատժամիջոցների տակ։ Այդ պատժամիջոցները կարող են ամբողջապես քայքայել Հայաստանի տնտեսությունը»,- ասել է քաղաքագետը։

Նա նշել է, որ դա առաջին հերթին վերաբերվում է Իրան-Հայաստան գազամուղին։

«Հայտնի է, որ Հայաստանը Իրանից գազ է ստանում և փոխարենը առաքում է էլեկտրաէներգիա։ Պատժամիջոցների պատճառով այդ ամենը կարող է դադարեցվել։ Հետևաբար Փաշինյանը շտապ կարգով գնում է Իրան։ Կարծում եմ, որ հիմնական հարցը կլինի դա»,- ընդգծել է կայքի զրուցակիցը։

Նագիևը ասել է, որ բացի դրանից, ազդարարվել է Իրան-Հայաստան երկաթգծի շինարարությունը, սակայն ֆինանսավորման բացակայության պատճառով դա իրական նախագիծ չէ։

ARMENIA.AZ