Աբու Դաբիում անցկացվել են «Շուշա քաղաքի օրեր»

28 Նոյեմբերի 2024 - 11:01

Շուշա քաղաքը 2024 թվականի «Իսլամական աշխարհի մշակութային մայրաքաղաք» հռչակելու կապակցությամբ՝ Շուշայի շրջանում Ադրբեջանի նախագահի հատուկ ներկայացուցիչ Այդըն Քերիմովը և նրա գլխավորած պատվիրակությունը նոյեմբերի 26-27 այցելել են Աբու Դաբի (ԱՄԷ):

Armenia.Az-ի փոխանցմամբ՝ այցը տեղի է ունեցել «Շուշա քաղաքի օրերի» շրջանակներում, որը կազմակերպել է Շուշա քաղաքի պետական արգելոցի վարչությունը՝ ԱՄԷ-ում Ադրբեջանի դեսպանատան աջակցությամբ։

Այցի շրջանակներում Այդըն Քերիմովը հանդիպել է՝ ԱՄԷ մշակույթի նախարար Շեյխ Սալեմ Ալ Կասիմիի, ԱՄԷ փոխարտգործնախարար Խալիդ Բելխուի և ԱՄԷ քաղաքաշինության և տրանսպորտի վարչության պետի տեղակալ Սայիֆ Սուլթան Ալ Նասերիի հետ։

Բացի այդ, ադրբեջանական կողմը տեղեկացրել է՝ Շուշա քաղաքի պատմության, օկուպացիայի ժամանակ հայերի կողմից իրականացված ավերածությունների ու կողոպուտների, ընթացիկ վերականգնման աշխատանքների, զբոսաշրջային ներուժի զարգացման, զբոսաշրջիկների ներգրավման, Շուշա քաղաքի առաջընթացի վերաբերյալ միջազգային աշխատանքների, իրագործվող նախագծերի մասին։
Շուշա քաղաքի օրերը շարունակվել են Զբոսաշրջության պետական գործակալության աջակցությամբ։ «Շուշա - երեկ և այսօր» լուսանկարչական ցուցահանդեսում ներկայացված էին քաղաքի պատմական անցյալը, բնությունը, վերակառուցման և վերականգնման աշխատանքները արտացոլող լուսանկարներ։ Միջոցառմանը մասնակցել են՝ ԱՄԷ փոխարտգործնախարար Խալիդ Բելխուն, ԱՄԷ արտաքին գործերի նախարարության Ասիայի և խաղաղօվկիանոսյան տարածաշրջանի վարչության տնօրեն Աբդուլազիզ Ալ Նիյադին և Աբու Դաբի քաղաքի պետական հիմնարկությունների ղեկավարներ:

ARMENIA.AZ