Իլհամ Ալիև. Ադրբեջանի և Բելառուսի միջև հարաբերությունները բացարձակապես ազատ են բոլոր տեսակի խնդիրներից

14 Ապրիլի 2021 - 15:27

«Ես շատ ուրախ եմ, թե ինչպես են զարգանում մեր երկրների միջև հարաբերությունները։ Մենք Ձեզ հետ միասին այնպիսի դինամիկա ենք հաղորդել մեր կապերին, որ բոլոր ուղղություններով տեսնում ենք զարգացում, տեսնում ենք մեր միջև համաձայնեցված հարցերի գործնական լուծումներ։ Մեր փոխադարձ այցերը կրում են կանոնավոր բնույթ»։

Ինչպես փոխանցում է Armenia.Az-ը, այդ մասին՝ Բելառուսի նախագահ Ալեքսանդր Լուկաշենկոյի հետ դեմառդեմ հանդիպման շրջանակներում ասել է՝ Ադրբեջանի նախագահ Իլհամ Ալիևը:

«Ես հիշողությանս մեջ թարմացրի Բելառուս իմ այցերը, Ձեր այցերը Ադրբեջան։ Այս բոլորը վկայում են՝ քաղաքական սերտ փոխգործունեության, մեր երկրների միջև վստահության բարձր մակարդակի և արդյունքին նպատակաուղղվածության մասին։ Դրա համար էլ մենք լավ արդյունքներ ենք տեսնում տնտեսական փոխգործունեության շրջանակներում։ Չնայած համավարակին, մեր առևտրաշրջանառությունը անցյալ տարի աճել է, ինչպես նաև աճել է արտահանումը Ադրբեջանից Բելառուս։ Հետևաբար այսօր արդեն էլ ավելի մանրամասն կքննարկենք արդյունաբերական կոոպերացիայի հետ կապված հարցերը։ Ձեզ հետ միասին մեր որոշման համաձայն՝ արդեն վաղուց Գյանջայում գործում է արդյունաբերական ձեռնարկությունը։

Կցանկանայի Ձեզ հետ միասին քննարկել նաև Ղարաբաղի վերականգնման հետ կապված հարցերը։ Մենք Բելառուսում ագրոարդյունաբերական համալիրի ստեղծմամբ՝ գիտենք բելառուսական ընկերությունների փորձը։ Ուստի ազատագրված տարածքների վերականգնման պլանում, անշուշտ, այդ թեման հատուկ տեղ է գրավում։

Անշուշտ, ուրախալի է, որ մենք շարունակում ենք և հետագայում ևս միմյանց կաջակցենք այն միջազգային կառույցներում, որտեղ մենք մասնակցում ենք։ Այսինքն, մեզ մոտ հարաբերությունները բացարձակապես ազատ են ամեն տեսակի խնդիրներից։ Մեր պարբերական այցերը թույլ են տալիս պարզապես հաստատել կատարվածի արդյունքը, պլանավորել հետագա քայլերը և առաջ շարժվել, որպես երկու բարեկամ, գործընկեր։ Կրկին անգամ բարի գալուստ և ուրախ եմ Ձեզ նորից տեսնել Բաքվում»,- նշել է պետության ղեկավարը։

ARMENIA.AZ