03 Դեկտեմբերի 2020 - 17:30

Նախագահ Իլհամ Ալիևը՝ Ադրբեջանի Հանրապետությունում Հաղթանակի օր սահմանելու մասին կարգադրություն է ստորագրել։

Ինչպես հայտնում է Armenia.Az-ը, կարգադրության համաձայն՝ Ադրբեջանում նոյեմբերի 8-ը սահմանվել է Հաղթանակի օր։

«ХХ դարի 80-ական թվականների վերջին և 90-ական թվականների սկզբին Հայաստանը բացահայտորեն հանդես եկավ Ադրբեջանի պատմական տարածքներում տարածքային հավակնություններով և ռազմական ագրեսիա սանձահարեց մեր երկրի դեմ։ Օգտվելով այդ ժամանակաշրջանում Ադրբեջանում տիրող քաոսից՝ Հայաստանը օկուպացրեց մեր հողերի 20%-ը, Հայաստանի կողմից անցկացված էթնիկական զտման հետևանքով ավելի քան 1 միլիոն ադրբեջանցիներ վտարվեցին հարազատ օջախներից։

Ադրբեջանի դեմ ռազմական ագրեսիայի հետևանքների վերացման և ՄԱԿ-ի Անվտանգության խորհրդի թիվ 822, 853 և 884 բանաձևերի իրագործման շուրջ գրեթե 30 տարի շարունակվող բանակցությունները՝ Հայաստանի ապակառուցողական դիրքորոշման պատճառով մնացին անարդյունք:

Իսկ սադրիչ հայտարարությունները, որոնցով Հայաստանի ռազմաքաղաքական ղեկավարությունը հետևողականորեն հանդես է եկել 2019 թվականից, և նրանց կողմից ձեռնարկված գործողությունները նպատակաուղղված և լիովին խախտել են բանակցային գործընթացը։ Դրանով հանդերձ, Հայաստանը կրկին անգամ ցուցադրել է, որ նրա իսկական նպատակը կայանում է՝ առկա ստատուս-քվոյի ամրապնդման և Ադրբեջանի տարածքների անեքսիայի մեջ։

Հայաստանի կողմից ագրեսիվ և հարձակողական բնույթ կրող ազգային անվտանգության ռազմավարության և ռազմական դոկտրինայի ընդունումը, օկուպացված տարածքներում ապօրինի վերաբնակեցման քաղաքականության ընդլայնումը, «նոր պատերազմ նոր տարածքների համար» կոչը, քաղաքացիական անձերից բաղկացած «կամավոր ջոկատների» ստեղծման մասին որոշումը, 2020 թվականի հուլիսի 12-ին հայ-ադրբեջանական պետական սահմանի Թովուզի ուղղությամբ իրագործած սադրանքները, ինչպես նաև ընդհանուր առմամբ զորքերի շփման գծում լարվածության էսկալացիան, ճակատային գծին հարակից տարածքներում զորքերի կենտրոնացումը, մեծ քանակությամբ զենքի և զինամթերքի կուտակումը վկայել են՝ Հայաստանի կողմից լայնամասշտաբ պատերազմի նախապատրաստվելու մասին։

Ադրբեջանը բազմիցս հայտարարել է, որ օկուպացված տարածքներում Հայաստանի զորքերի ապօրինի ներկայությունը հանդիսանում է՝ տարածաշրջանում խաղաղության և անվտանգության գլխավոր սպառնալիք և ցանկացած պահի կարող է բերել իրավիճակի սրման։

Ի պատասխան Հայաստանի սադրանքի և հերթական ռազմական ագրեսիայի՝ ադրբեջանական ժողովուրդը մեր հողերը օկուպացիայից ազատագրելու, Հայաստանին խաղաղության ստիպելու, ՄԱԿ-ի հայտնի բանաձևերն իրագործելու, հարկադիր վերաբնակներին իրենց հարազատ օջախներ վերադարձնելու և արդարությունը վերականգնելու համար՝ սկսեց Հայրենական պատերազմը։ Ողջ ադրբեջանական ժողովուրդը մոբիլիզացվեց և համերաշխություն դրսևորեց՝ հանուն այս սուրբ գաղափարի։

44 օր շարունակվող ռազմական գործողությունների արդյունքում՝ հաղթական ադրբեջանական բանակը օկուպացիայից ազատագրել է ընդհանուր առմամբ 300 բնակավայրեր, ներառյալ՝ Ջաբրաիլ, Ֆիզուլի, Զանգիլան, Գուբադլը քաղաքները, ադրբեջանական ժողովրդի պատմության, մշակույթի և հոգու մեջ հատուկ տեղ գրավող, Ղարաբաղի մարգարիտը համարվող Շուշան, Զանգիլանի շրջանի Մինջիվան, Աղբենդ, Բարթազ ավանները, Խոջավենդի շրջանի Հադրուդ ավանը և բազմաթիվ գյուղեր, Թերթերի շրջանի Սուգովշան գյուղը, Խոջալուի և Լաչինի շրջանի մի քանի գյուղեր, ինչպես նաև Աղդերեյի, Մուրովդաղի և Զանգիլանի ուղղություններով կարևոր ռազմավարական բարձունքները։

Ադրբեջանական քաջարի զինվորները և սպաները քայլ առ քայլ առաջ շարժվելով հաղթահարեցին Հայաստանի կողմից երկար տարիների ընթացքում կառուցված ինժիներային, ամրացման կառույցները, մեր հողերը ազատագրվեցին խիզախ զինվորների և սպաների, նահատակների կյանքի ու արյան գնով։

Ադրբեջանի կողմից ռազմական ոլորտում հաղթանակները, հատկապես թշնամու օկուպացիայից Շուշայի ազատագրումը վճռական դեր խաղացին պատերազմի ճակատագրում, հանգեցին Հայաստանի կողմից իր պարտության և կապիտուլացիայի ճանաչմանը, Հայաստանին ստիպեցին Ադրբեջանին վերադարձնել Քելբաջարի, Աղդամի և Լաչինի շրջանները։

Ադրբեջանական ժողովրդի վճռականությունը և կամքը, տնտեսական հզորությունը, ժամանակակից բանակաշինությունը, ժողովրդի և իշխանության միասնությունը հանդիսացել են՝ մեր երկրի հաղթանակը ապահոված կարևոր գործոններ։ Պետականության հարուստ պատմությամբ և մեր նախնիների ռազմական պատմությամբ ոգևորված ադրբեջանական ժողովուրդը ևս մեկ փառավոր հերոսական տարեգրություն գրելով, ողջ աշխարհին ապացուցեց, որ հանդիսանում է հաղթող ժողովուրդ, և թշնամու նկատմամբ պատմական հաղթանակ տարավ։

Ղեկավարվելով Ադրբեջանի Հանրապետության սահմանադրության 109-րդ հոդվածի 32-րդ կետով, մեր ժողովրդի հզորության և մեր ազգային հպարտության հաղթանակի վերածված, մեր պետության հեղինակության և հետագա զարգացման տեսակետից բացառիկ նշանակություն ունեցող այս անգնահատելի հաղթանակը հավերժացնելու նպատակով, կարգադրում եմ.

1. Ամեն տարի, Ադրբեջանի Հանրապետությունում նոյեմբերի 8-ը հանդիսավոր նշել, որպես Հաղթանակի օր։

2. Ադրբեջանի Հանրապետության Նախարարների կաբինետին՝ լուծել սույն կարգադրությունից բխող հարցերը»,- ասվում է փաստաթղթում։

ARMENIA.AZ