19 Նոյեմբերի 2020 - 15:02

«Այնպես պատահեց, որ Ադրբեջան Ձեր ժամանումը, կարելի է ասել, համընկավ պատերազմի ժամանակահատվածին։ Ուստի մեր հանդիպումը օբյեկտիվ պատճառներով հետաձգվել էր։

Ինձ հայտնեցին, որ Դուք ժամանել եք, կարելի է ասել երկու ամիս առաջ։ Համոզված եմ, որ Դուք հասկանում եք, թե ինչու մեր հանդիպումը տեղի չունեցավ ավելի վաղ։ Սակայն, ցավոք, երբ նշանակվել էր մեր հանդիպումը, ինձ հայտնեցին, որ Ձեր երկրի խորհրդարանը՝ Ադրբեջանի, ինչպես նաև Թուրքիայի դեմ ուղղված պատժամիջոցներ նախատեսող որոշմներ է ընդունել։ Իմ օգնականը ինձ հայտնել է, որ քննարկումների ընթացքում Նիդերլանդների արտաքին գործերի նախարարը հանդես է եկել առավել հավասարակշռված մոտեցմամբ։ Այնպես որ մենք դա գնահատում ենք»։

Ինչպես փոխանցում է Armenia.Az-ը, այդ մասին, նոյեմբերի 18-ին՝ Ադրբեջանի Հանրապետության նախագահ Իլհամ Ալիևը ասել է՝ մեր երկրում Նիդերլանդների Թագավորության նորանշանակ արտակարգ և լիազոր դեսպանի հավատարմագրերի ընդունման ժամանակ։

«Սակայն խորհրդարանի կողմից անհավասարակշռված և անարդար որոշման ընդունումը, անշուշտ, չի նպաստի մեր կողմից ստեղծված առավել մոտիկ կապերին։ Նախ և առաջ, հաշվի առնելով երեկվա տվյալ որոշման ընդունման փաստը՝ ուզում եմ ասել, որ Հայաստանն է մեր վրա հարձակում կատարել։ Մենք պաշտպանվել ենք և դրա արդյունքում մեզ հաջողվել է միջազգային իրավունքի նորմերի ու սկզբունքների և պատմության հիման վրա ազատագրել մեզ պատկանող տարածքները։ Մենք պայքարել ենք ազատության, տարածքների ազատագրման համար, և մեր պայքարը ավարտվել է ռազմական և քաղաքական մեծ հաջողությամբ։ Ինչպես Ձեզ հայտնի է, նոյեմբերի 10-ին ստորագրվել է պատերազմին վերջ տրվող՝ եռակողմ հայտարարություն։ Հետևաբար ինձ ծայրահեղ զարմացրել է այն, որ դրանից հետո՝ անձամբ Հայաստանի կողմից՝ իր լիովին կապիտուլացիան նշանակող սույն հայտարարությունը ստորագրելուց հետո, մեր տարածաշրջանից հեռու գտնվող երկրում ընդունվել է նման որոշում։ Ձեզ, երևի հայտնի է, որ տարածաշրջանի երկրները աջակցել են տվյալ հայտարարությանը։ Մեր բոլոր հարևանները աջակցություն են արտահայտել դրան։ Մեր երկու հարևանները՝ Ռուսաստանը և Թուրքիան կմասնակցեն ադրբեջանցիների և հայերի անվտանգության ապահովման գործողություններին։ Ուստի համարում եմ, որ արդար կլիներ, եթե դուք գրավեիք մեր, այլ ոչ թե մյուսի կողմը։ Դուք երևի ծանոթ եք նաև ԱՄՆ-ի Պետական դեպարտամենտի, Եվրոպական Միության՝ հրադադարին աջակցող մեկնաբանությունների հետ։ Ուստի ես հասկանում եմ, որ խորհրդարանները ունեն իրենց օրակարգերը։ Երբեմն նրանք ունենում են իրենց ցանկությունները, դա հասկանալի է։ Ես նույնպես հասկանում եմ, որ ձեր երկրի կառավարությունը կարող է ունենալ խորհրդարանի կողմից ընդունված որոշումից տարբերվող իր դիրքորոշումը։ Սակայն դժվար կլինի մեր ժողովրդին բացատրել, թե ինչու դա տեղի ունեցավ։ Այնպես որ, Դուք ստիպված կլինեք ընդհարվել այնպիս իրավիճակների հետ, երբ մարդիկ Ձեզնից կհարցնեն, ինչու Նիդերլանդները դարձել են այն առաջին երկիրը, որի խորհրդարանը ընդունել է նման որոշում»,- հավելել է Ադրբեջանի նախագահը։

Պետության ղեկավարը նշել է, որ գործնական առումով այն միանշանակ ոչ մի ազդեցություն չի գործի տեղում իրավիճակի վրա. «Իրավիճակը կայունանում է։ Մեր փախստականները և հարկադիր վերաբնակները, որոնք, կարելի է ասել, երեսուն տարի սպասել են այս օրվան՝ նշում են ռազմական և քաղաքական մեծ հաղթանակը։ Նրանք անհամբերությամբ են սպասում տեսնել վերադարձի գրաֆիկը։ Սակայն դա ժամանակ կպահանջի, քանզի ագրեսորը, կարելի է ասել, ամեն ինչ ավերել է։ Այդ տեսանյութերը ցուցադրվում են մեր հեռուստատեսությամբ։ Այդ ավերումները, հնարավոր է, հանդիսանում են մեր ժողովրդի, նրա մշակութային, կրոնական ժառանգության, մարդկության դեմ դաժանության, վանդալիզմի և վայրագության առանձնահատուկ ձև։ Պատերազմի ժամանակ Հայաստանի վարվելաձևը միաժամանակ վկայում է նրա ղեկավարության անմարդկային վերաբերմունքի մասին, քանզի Հայաստանի տարածքից բալիստիկ հրթիռների կիրառմամբ՝ հակամարտության գոտուց հեռու խաղաղ քաղաքների վրա հարձակումները՝ ռազմական հանցագործություն է։ Կասետային և ֆոսֆորային ռումբերի օգտագործումը՝ ռազմական հանցագործություն է։ Դա հաստատել են բոլոր միջազգային մամուլը և ՈԿԿ-ները։ Ես ափսոսում եմ, որ ստիպված եղա զրույցը սկսել դրանից։ Այն կապված է ընդամենը նրա հետ, որ մեր հանդիպումը պետք է կայանար երկու օր առաջ, իսկ ձեր խորհրդարանի որոշումը ընդունվել է դրանից հետո։ Էլ ի՞նչ կարող եմ ասել։ Կրկին անգամ ուզում եմ ասել, որ դա բացատրել հեշտ չի լինի։ Այն միաժամանակ կախված կլինի ձեր կառավարության, արտաքին գործերի նախարարի դիրքորոշումից։ Մենք սպասում ենք այդ կապակցությամբ նրանց մեկնաբանություններին, քանզի իմ օգնականը ինձ հայտնել է, որ քննարկումների ընթացքում մեկնաբանություններ եղել են, բայց մենք հիմա, տվյալ որոշման ընդունելուց հետո ենք դրանց սպասում։ Անպայման, մենք կսպասենք Եվրոպական հանձնաժողովի կողմից մեկնաբանություններին։ Ինչպես ձեզ հայտնի է, Եվրոպական հանձնաժողովը և Ադրբեջանը նշել են համագործակցության համար բավականին լայն օրակարգ։ Երկու տարի առաջ մենք Բրյուսելում վավերացրել ենք՝ Ադրբեջանի ինքնիշխանությունը, տարածքային ամբողջականությունը և միջազգային մակարդակով ճանաչված նրա սահմանների անձեռնամխելիությանը լիովին աջակցող՝ «Գործընկերության առաջնահերթություններ» փաստաթուղթը։ Ադրբեջանը պայքարել է իր տարածքներում, վերականգնել է իր տարածքային ամբողջականությունը, ինչը համապատասխանում է Եվրոպական Միության և Ադրբեջանի կողմից վավերացված փաստաթղթի՝ ՄԱԿ-ի Անվտանգության խորհրդի բանաձևերին։

Ձեզ ցանկանում եմ լավ անցկացնել ժամանակը։ Հուսով եմ, որ մեր պատմության մեջ այս ոչ շատ հաճելի էջը լուրջ վնաս չի հասցնի մեր հարաբերություններին։ Սակայն, անշուշտ, այն կախված կլինի ձեր կառավարության հետագա քայլերից և մեր կառավարությունից, որը իրեն կպահի համապատասխան ձևով։ Եվս մեկ անգամ բարի գալուստ»։

ARMENIA.AZ