Զաքիր Հասանով. «Հայերն Ադրբեջանի ՀՕՊ համակարգը հաղթահարելու շանս չունեն»

22 Հունիսի 2020 - 11:35

Ադրբեջանական բանակի զինման հետ կապված բոլոր հարցերը սահուն լուծվում են: Մենք այս հարցերին մոտենում ենք գիտական տեսանկյունից:

Այս մասին CBC հեռուստաընկերությանը տված հարցազրույցում ասել է Ադրբեջանի պաշտպանության նախարար, գեներալ-գնդապետ Զաքիր Հասանովը, տեղեկացնում է Armenia.Az-ը՝ վկայակոչելով Armiya.Az-ին:

«Առաջին հերթին, իհարկե, հաշվի է առնվում ռազմական գործողությունների թատերաբեմը, այսինքն այն տարածքը, որտեղ մենք ռազմական գործողություններ ենք իրականացնելու: Ուսումնասիրում ենք, թե որ անօդաչու թռչող սարքերն ավելի արդյունավետ կլինեն այդ տարածքում: Մյուս կողմից, իհարկե, օրակարգում է նաև մեր ռազմական ավիացիայի վերահագեցման հարցը: Ամենայն պատասխանատվությամբ կարող եմ ասել, որ Ադրբեջանի ՌՕՈՒ ուղղաթիռային պարկը 100 տոկոսով թարմացվել է: Ավելին, աշխարհի առաջատար երկրների կողմից աշխատանքներ են իրականացվել ուղղաթիռները ժամանակակից ավիոնիկայով և «օդ-ցամաք» հրթիռներով համալրելու ուղղությամբ:

Մենք ունենք ուժեղ ՀՕՊ համակարգ: Նման համակարգ չունեն նույնիսկ որոշ մեծ երկրները: Ս-300 և «Գալխան», որը մենք ձեռք ենք բերել Իսրայելից: Մեր օդային տարածքի հետախուզությունն իրականացվում է աշխարհի ամենաժամանակակից համակարգերի միջոցով, որոնք ձեռք ենք բերել Իսպանիայից և Ֆրանսիայից: Հակառակորդն այդ համակարգերը հաղթահարելու որևէ շանս չունի», - ասել է Զաքիր Հասանովը:

ARMENIA.AZ