Ադրբեջանի նախագահ. «Բաքուն և Ամմանը կարող են ուղիղ օդային կապ հաստատել՝ զբոսաշրջիկների հոսքի ավելացման նպատակով»

11 Դեկտեմբերի 2019 - 09:24

Ադրբեջանի նախագահ Իլհամ Ալիևը երեքշաբթի ընդունել է Հորդանանի թագավոր Աբդալլահ Երկրորդին, ով պաշտոնական այցով ժամանել է Ադրբեջան:

Դեմառդեմ ձևաչափով կայացած հանդիպմանը Իլհամ Ալիևը նշել է, որ Հորդանանի հետ երկկողմ հարաբերությունները ինտենսիվորեն զարգանում են՝ ներառելով տարբեր ոլորտներ:

«Մենք միջազգային կազմակերպությունների շրջանակներում աջակցում ենք միմյանց շատ կարևոր հարցերում: Քաղաքական հարաբերությունները բարձր մակարդակի վրա են: Կարծում եմ, որ պետք է ջանասիրաբար աշխատենք տնտեսական կապերի զարգացման ուղղությամբ: Վստահ եմ, որ մենք նպաստելու ենք մեր եղբայրական հարաբերությունների հետագա զարգացմանը», - նշել է Իլհամ Ալիևը, տեղեկացնում է Аrmenia.Az-ը:

Նախագահը հայտնել է, որ Հորդանանից Ադրբեջան ժամանող զբոսաշրջիկների հոսքն աճել է:

«Ուրախ եմ, որ այս տարի աճել է Հորդանանից Ադրբեջան ժամանող զբոսաշրջիկների թիվը: Աճը կազմում է ավելի քան 20%: Կարծում եմ, որ մենք կարող ենք քննարկել ուղիղ օդային կապի հաստատման հարցը», - ընդգծել է Իլհամ Ալիևը:

Հորդանանի թագավոր Աբդալլահ Երկրորդը, իր հերթին, բարձր է գնահատել երկկողմ հարաբերությունների մակարդակը:

«Մեր երկրների միջև առկա են ամուր քաղաքական, հետախուզական և ռազմական կապեր: Մենք կարող ենք զարգացնել տնտեսական հարաբերությունները», - ասել է Հորդանանի թագավորը:

ARMENIA.AZ