Բաքվի EuroHome շինանյութերի շուկայում մարվել է հրդեհը, այրվել է շուկայի 40%-ը

10 Դեկտեմբերի 2019 - 11:36

16:22:02

Բաքվի EuroHome շինանյութերի շուկայում հրդեհը մարվել է, հրդեհն առաջացել է խանութներից մեկում մալուխի այրման հետևանքով, հայտնում է Ադրբեջանի Արտակարգ իրավիճակների նախարարությունը, տեղեկացնում է Аrmenia.Az -ը:

«Բաքվի EuroHome շինանյութերի շուկայում հրդեհը մարվել է: Հրդեհի վերացման աշխատանքներին ներգրավվել են՝ պետական հակահրշեջային ծառայության 29 տեխնիկական միջոցներ և 150 անձնակազմ, հատուկ ռիսկի փրկարարական ծառայության 16 տեխնիկական միջոցներ և 200 անձնակազմ, երեք ուղղաթիռ և մեկ Be-200ES երկկենցաղային ինքնաթիռ: Բացի դրանից, հրդեհի դեմ պայքարում ներգրավված են 3 տեխնիկական միջոց և քաղաքացիական պաշտպանության զորքերի 53 անձնակազմ», - նշվում է հաղորդագրության մեջ:

Ներկայումս աշխատանքներ են տարվում բոցավառման գոտու սառեցման ուղղությամբ:

Տեղեկատվության մեջ նշվում է նաև, որ նախնական տվյալների համաձայն՝ շուկայի ընդհանուր մակերեսի 5 հեկտարից այրվել է 2 հա տարածք:

13:08:04

Ադրբեջանի ԱԻՆ-ը 3 ուղղաթիռ է ներգրավել շինանյութերի շուկայում բռնկված հրդեհի մարման աշխատանքներում:

Ադրբեջանի ԱԻՆ-ը 3 ուղղաթիռ է ներգրավել Բաքվի «EuroHome» շինանյութերի շուկայում բռնկված հրդեհի մարման աշխատանքներում, տեղեկացնում է Аrmenia.Az-ը՝ վկայակոչելով նախարարության մամուլի ծառայությանը:

«EuroHome» շինանյութերի շուկայում բռնկված հրդեհի մարման համար որոշվել է ներգրավել լրացուցիչ ուժեր, ինչպես նաև՝ 3 ուղղաթիռ», - հայտնել են ԱԻՆ-ից:

Ավելի վաղ հաղորդվել էր, որ «112» թեժ գիծ զանգ է ստացվել Բաքվի Բինագադիի շրջանում գտնվող «EuroHome» շինանյութերի շուկայում հրդեհի բռնկման մասին:

Առողջապահության նախարարության մամուլի ծառայությունից հայտնել են, որ դեպքի վայր է մեկնել շտապօգնության 5 բրիգադ: «Ժամը 9:50-ի դրությամբ 2 հոգի տեղափոխվել է հիվանդանոց՝ թունավորում ախտանիշով»:

11:36:09

Բաքվում այրվում է «EuroHome» շինանյութերի շուկան, տեղեկացնում է Аrmenia.Az-ը՝ վկայակոչելով ԱԻՆ-ին:

«112» թեժ գիծ զանգ է ստացվել, որ Բաքվի Բինագադիի շրջանում գտնվող «EuroHome» շինանյութերի շուկայում հրդեհ է բռնկվել: Ներկայումս հրշեջները շարունակում են աշխատել հրդեհի վայրում», - հայտնել են ԱԻՆ-ից:

Գերատեսչությունից հայտնել են, որ առավել մանրամասն տեղեկություն կտրամադրվի ավելի ուշ:

ARMENIA.AZ