Իլհամ Ալիև. «Ի՞նչ կարելի է ակնկալել մի երկրի ղեկավարից, որը Նժդեհին նույնականացնում է Մոլոտովի հետ»

27 Նոյեմբերի 2019 - 10:21

Ի՞նչ կարելի է ակնկալել մի երկրի ղեկավարից, որը Նժդեհին նույնականացնում է Մոլոտովի հետ:

Ինչպես տեղեկացնում է Аrmenia.Az-ը, այս մասին հայտարարել է Ադրբեջանի նախագահ Իլհամ Ալիևը՝ Բաքվի Պետական Համալսարանի 100-ամյա հոբելյանին նվիրված միջոցառմանը:

Երկրի ղեկավարը նշել է, որ վերջերս 120 երկրների որոշմամբ Ադրբեջանը ստանձնեց Չմիավորման շարժման կազմակերպության նախագահությունը: Սակայն, մեր արտաքին քաղաքական հաջողությունները դրանով չեն սահմանափակվում:

«Մենք չենք կարող թույլ տալ, որպեսզի ԱՊՀ տարածությունում ֆաշիստների հուշարձաններ կանգնեցվեն: Ես ասացի, որ Հայաստանում կանգնեցվել է ֆաշիստ Նժդեհի 6 մետրանոց արձանը: Այն պետք է ապամոնտաժվի, դա անընդունելի է: Հայտնեցի, որ նա ձերբակալվել և բանտ է նետվել: Կուզենայի նշել, որ նրան ձերբակալած կառույցը կոչվում էր «ՍՄԵՐՇ». Ովքեր չգիտեն, ասել որ այդ հապավումը նշանակում է «Մահ լրտեսներին»: Այսինքն նրան ձերբակալել են որպես լրտեսի և դատապարտել 25 տարվա ազատազրկման: Նա մահացել է Վլադիմիրյան բանտում: Տեսեք, թե ինչ է ասում Հայաստանի վարչապետը: Նա ասում է, որ Սոլժենիցիննել է եղել ճամբարում, այլախոհներն էլ են նստել բանտում: Այլ կերպ ասած՝ այս մարդը Սոլժենիցինին և խոսքի ազատության համար ձերբակալված և հետագայում արդարացված այլ մարդկանց նույնականացնում է ֆաշիստ Նժդեհի հետ:

Սա խոսում է այն մասին, որ Հայաստանում իշխանությունը կարող է փոխվել, սակայն այդ երկրի ֆաշիստական էությունը մնում է անփոփոխ», - ասել է նախագահը: Նրա խոսքով, այդ պատճառով էլ Ադրբեջանը շարունակելու է իր քաղաքականությունն այդ ուղղությամբ:

«Հայաստանի վարչապետը Աշխաբադի գագաթնաժողովում մեծ սխալ թույլ տվեց՝ Սոլժենիցինին համեմատելով ֆաշիստի հետ: Դրանից հետո ռուսաստանյան մամուլում ծաղրում էին նրան: Սակայն, Հայաստանի վարչապետը դրանից հետևություն չարեց: Ռուսաստանցի լրագրողների հետ հանդիպմանը նա ասաց. Նժդեհը հանդիպել է Հիտլերի հետ: Հետո ի՞նչ, Մոլոտովը նույնպես հանդիպել է նրա հետ: Այստեղ մեկնաբանություններն ավելորդ են: Մոլոտովը Խորհրդային Միության արտաքին գործերի նախարարն էր, նա Հիտլերի հետ հանդիպել էր 1939 թվականին՝ պատերազմի հավանականությունը վերացնելու համար: Նա չէր ծառայում Հիտլերին: Նա հակահիտլերյան դաշինքը գլխավորող Խորհրդային Միության առաջավոր անձանցից էր: Միթե կարելի է նրան նույնականացնել Նժդեհի հետ:

Ես այս օրինակը բերում եմ նրա համար, որպեսզի երիտասարդները լավ ուսումնասիրեն պատմությունը և հետագայում նման ծիծաղելի վիճակում չհայտնվեն: Ի՞նչ կարելի է ակնկալել մի երկրի ղեկավարից, որը նման բաներ է ասում: Հարցը հռետորական է», - ասել է Իլհամ Ալիևը:

ARMENIA.AZ