Ադրբեջանի ԱԳՆ-ն մեկնաբանել է՝ Նիկոլ Փաշինյանի ելույթը Միլանում

22 Նոյեմբերի 2019 - 12:08

«Հայաստանի վարչապետի կողմից ասված խոսքերը կարելի է բնութագրել, որպես սեփական ժողովրդին մոլորության մեջ գցելու փորձ։ Դա անհնար է այլ կերպ գնահատել։

Ինչպես փոխանցում է Armenia.Az-ը՝ վկայակոչելով Report-ին, այդ մասին հայտարարել է՝ Ադրբեջանի արտաքին գործերի նախարարության մամուլի ծառայության ղեկավար Լեյլա Աբդուլաևան, մեկնաբանելով՝ Միլանում ադրբեջանցի բլոգերի հարցին Հայաստանի վարչապետ Նիկոլ Փաշինյանի պատասխանը։

Նրա խոսքով, Ն. Փաշինյանը հերթական անգամ, հղում անելով ԽՍՀՄ-ի Սահմանադրությանը՝ հավակնոտորեն պնդում է, որ Լեռնային Ղարաբաղի ինքնավար մարզը (ԼՂԻՄ) իբր ունեցել է ինքնորոշման սահմանադրական իրավունք։

«Մեր կողմից նորից հիշեցնում ենք, որ ԽԱՀՄ Սահմանադրության 78-րդ հոդվածի համաձայն՝ միութենական հանրապետությունների տարածքները չէին կարող փոխվել առանց նրա համաձայնության։ Միևնույն ժամանակ, ԽՍՀՄ-ի կենտրոնական իշխանության բարձրագույն մարմիմնները՝ Ադրբեջանի ԽՍՀ-ից ԼՂԻՄ-ի անջատմանն ուղղված հայ ազգայնամոլների անօրինական գործողությունների վերաբերյալ իրենց որոշումներում և կարգադրություններում միանշանակ հաստատել են առկա սահմանները փոխելու անհնարինությունը։ Օրինակ, 1990 թ. հունվարի 10-ին ԽՍՀՄ Գերագույն խորհրդի նախագահությունը ընդունել է՝ «ԽՍՀՄ-ի Սահմանադրության հետ Հայաստանի ԽՍՀ-ի Գերագույն խորհրդի կողմից՝ Լեռնային Ղարաբաղի վերաբերյալ 1989 թ. դեկտեմբերի 1-ին և 1990 թ. հունվարի 9-ին ընդունված որոշումների անհամապատասխանության մասին» որոշումը, որտեղ ընդգծվել է Ադրբեջանի ԽՍՀ-ից Լեռնային Ղարաբաղի անջատման փորձերի անօրինականությունը։ Նույնը ասվում է նաև՝ ԽՍՀՄ-ի Պետական խորհրդի 1991 թ. նոյեմբերի 27-ին և հաջորդ օրը ԽՍՀՄ-ի սահմանադրական վերահսկողության կոմիտեի կողմից ընդունված որոշումների մեջ։

Այսպիսով, այն պայմաններում, երբ ԼՂԻՄ-ի հայերի միակողմանի անջատումը հակասել է խորհրդային օրենսդրությանը, ինչպե՞ս կարելի է բնութագրել վարչապետի՝ ԽՍՀՄ-ի այդ Սահմանադրության միջոցով արդարացնելու փորձերը՝ բացի սեփական ժողովրդին մոլորության մեջ գցելուց։ Ն. Փաշինյանը նշում է, որ ԼՂԻՄ-ի մարզային խորհուրդը օգտվել է ինքնավարության իր իրավունքից, սակայն վարչապետը լռում է, որ 1991 թ. դեկտեմբերի 10-ին Լեռնային Ղարաբաղում անջատողականների կողմից անցկացված այսպես կոչված «անկախության մասին հանրաքվեն» կազմակերպվել է առանց Ադրբեջանի համաձայնության, որի մի մասը իրավաբանորեն հանդիսացել է այդ ինքնավար մարզը, և նրանում չի մասնակցել մարզի ադրբեջանական բնակչությունը։

Վարչապետը, ով ժխտում է Խոջալուի ցեղասպանությունը և այն անվանում է սուտ, դրանով հանդերձ, ըստ էության անտեսում է շատ անկախ աղբյուրները, ներառյալ հայկական, տեղացի և միջազգային ԶԼՄ-ները, կասկածի տակ է դնում ողբերգության ականատեսների վկայությունները։ Ըստ երևույթի Ն. Փաշինյանը տեղյակ չէ Հայաստանի այդ ժամանակվա պաշտպանության նախարար և նախկին նախագահ Սերժ Սարգսյանի կողմից օտարերկրյա լրագրողներին տված հարցազրույցում արված խոստովանության մասին, ով առանց ամոթի զգացման, հայտարարել է իր արարքի մասին. «Նախքան Խոջալուն ադրբեջանցիները կարծում էին, որ... հայերը ի վիճակի չեն ձեռք բարձրացնել խաղաղ բնակչության վրա։ Մենք կարողացանք կոտրել այդ կարծրատիպը»։

Ուշագրավ է, որ ի տարբերություն իր նախորդների՝ Ն. Փաշինյանը միջազգային հանրության առջև իրեն դիրքորոշում է, որպես ժողովրդավարական արժեքների կողմնակից, ուստի այժմ նա պետք է դա հաստատի և դեօկուպացնի Ադրբեջանի տարածքները, որպեսզի խաղաղ բնակչությունը վերադառնա իրենց պատմական բնակավայրեր»,- հայտարարել է Լ. Աբդուլաևան։

ARMENIA.AZ