Ղարաբաղի ադրբեջանական համայնքը նամակ է հղել ԵԱՀԿ Մինսկի խմբի համանախագահներին

15 Օգոստոսի 2019 - 14:02

Որպես բողոք՝ Ադրբեջանի օկուպացված տարածքներ այցի ժամանակ Հայաստանի վարչապետ Նիկոլ Փաշինյանի կողմից հնչեցված սադրիչ հայտարարության դեմ՝ Լեռնային Ղարաբաղի ադրբեջանական համայնքը նամակ է ուղարկել ԵԱՀԿ Մինսկի խմբի համանախագահներին:

Ինչպես Аrmenia.Az-ին հայտնել են համայնքից, նամակում ասվում է, որ օգոստոսի 5-ին Հայաստանի վարչապետ Նիկոլ Փաշինյանն այցելել է Ադրբեջանի օկուպացված տարածքներ և մասնակցել է «համահայկական խաղերի» բացմանը:

Բողոքի նամակում նշվում է նաև, որ XXI դարում, միջազգայնորեն ճանաչված երկրների սահմանները ուժի միջոցով փոխելը անընդունելի է. «Իսկ Փաշինյանի՝ հակամարտության խաղաղ կարգավորման վերաբերյալ խոսքերը ոչ այլ ինչ է, քան ճշմարտությունից ուշադրությունը շեղելու փորձ: Սա մտացածին պատճառ է՝ Հայաստանի կողմից ռազմական օկուպացիան քողարկելու համար: Հայաստանի հիմնական նպատակը՝ միջազգային հանրությանը և ԵԱՀԿ Մինսկի խմբին խաբելն է: Փաշինյանը, ասելով, որ «Ղարաբաղը Հայաստանի անբաժանելի մասն է», վտանգի տակ է դնում ԵԱՀԿ Մինսկի խմբի միջնորդությամբ անցկացվող բանակցությունները և անուղղելի վնաս է հասցնում հայ-ադրբեջանական հակամարտության կարգավորման բանակցություններին: Հայաստանի վարչապետի հայտարարությունը կրկնել է նաև այդ երկրի արտաքին գործերի նախարարը:

Մենք՝ Ադրբեջանի Հանրապետության Լեռնային Ղարաբաղի մարզի ադրբեջանական համայնքի անդամները, կոչ ենք անում ԵԱՀԿ Մինսկի խմբին՝ դատապարտել Հայաստանի վարչապետ Նիկոլ Փաշինյանի կողմից անցկացվող բռնագրավման քաղաքականությունը»:

ARMENIA.AZ