CNN. Մետաքսի ճանապարհի ադրբեջանական քաղաքը դարձել է ՅՈՒՆԵՍԿՕ-ի Համաշխարհային ժառանգության մասը

09 Հուլիս 2019 - 15:02

CNN լրատվական գործակալությունը՝ այժմ ՅՈՒՆԵՍԿՕ-ի Համաշխարհային ժառանգության ցուցակի մեջ ընդգրկված՝ Շեքիի պատմական կենտրոնին և Խանի պալատին նվիրված հոդված է հրապարակել։

Ինչպես նշվում է հոդվածում, Ադրբեջանի հյուսիս-արևմտյան մասում Մետաքսե մեծ ճանապարհի վրա գտնվող Շեքի քաղաքը՝ 19-րդ դարում եղել է մետաքսի արտադրության միջազգային կենտրոն։

«Այսօր քարե կամրջով և միջնադարյան ճարտարապետությամբ այդ քաղաքը՝ Ադրբեջանի ամենագեղատեսիլ քաղաքներից մեկն է։ Շեքին երկար ժամանակ դուրս է մնացել զբոսաշրջիկների տեսադաշտից, սակայն դա շուտով կարող է փոխվել, քանի որ 2019 թ. հուլիսին նրա պատմական կենտրոնը և Խանի պալատը ներառվել են ՅՈՒՆԵՍԿՕ-ի Համաշխարհային ժառանգության ցուցակում»,- ասվում է հոդվածում։

Հոդվածում այնուհետև նշվում է, որ Կովկասի բարձրադիր լեռներում գտնվող քաղաքի հինգ քարվանսարաերից մեկում հանգրվանում էին՝ իրենց ապրանքներով բարձված քարավաններով Թբիլիսի, կամ Բաքու մեկնող վաճառականները։

«Այդ ճանապարհամերձ հյուրանոցները երբեմն տեղակայվել են Մետաքսի ճանապարհի երկայնքով, սակայն այսօր նույնպես Ադրբեջան ժամանող զբոսաշրջիկները՝ 2018 թվականին երկրում գրանցվել են 2,8 միլիոն օտարերկրյա զբոսաշրջիկներ, կարող են հանգստանալ 18-րդ դարի աուտենտիկ իջևանատանը՝ «Յուխարի քարավան-սարայ» հյուրանոցում։

Հուրասենյակներում կամարային աղյուսաշար առաստաղները և ոչ մեծ պատուհանները խոսում են այն մասին, որ ամռանը օդափոխիչի անհրաժեշտություն չկա, չնայած, ինչպես ասում են, ձմռանը կարող է մի քիչ ցուրտ լինել»,- նշվում է հոդվածում։

Հոդվածում այնուհետև նշվում է, որ բլուրից մի քանի քայլ հեռավորության վրա է գտնվում Շեքիի զբոսաշրջային գլխավոր տեսարժան վայրը՝ Շեքիի խաների ամառային պալատը, ովքեր Կովկասի այդ անկյունը կառավարել են 1743 և 1819 թվականների միջև ժամանակահատվածում։

«18-րդ դարի վերջին կառուցված այս երկհարկանի շենքը ունի աներևակայելի հարուստ ներքին և արտաքին տեսք։ Ռուսական փայտ, ֆրանսաիական թրծված ապակի, օսմանյան կերամիկա և իրանական հայելիներ՝ այս ամենը կան այս հիանալի համամասնությամբ ճարտարապետական կատարելագործության մեջ։ «Շեբեքե» կոչվող՝ փայտե վանդակով երիզված տարբեր գույներով ապակյա խճանկարներով հարուստ զարդարված ճակատամասը հավաքվել է առանց մեխի ու սոսնձի։ «Շեբեքե» վարպետության նմուշներին կարելի հանդիպել ամբողջ Շեքիում։ Շենքի ներսում վեց սենյակները ամբողջապես ծածկված են ծաղիկների, բուսականության, մարտերի և որսորդության տեսարաններով բարդ որմնանկարներով»,- ասվում է հոդվածում։

Ինչպես նշվում է, Շեքին ունի՝ տարածաշրջանում իր բազմաթիվ եկեղեցիներով և մզկիթներով կրոնական զանազանության երկարատև պատմություն։

«Քաղաքից դեպի հյուսիս մի քանի կիլոմետր հեռավորության վրա մեր թվարկության առաջին դարում կառուցված, և մինչև վերջերս, որպես ալբանական եկեղեցի գործող Քիշի եկեղեցին հանդիսանում է երկրում հնագույններից մեկը»,- ասվում է CNN-ի հոդվածում։

ARMENIA.AZ