Լեյլա Ալիևան մասնակցել է Մոսկվայում Ադրբեջանի մշակույթի օրվան

25 Հունիսի 2019 - 12:00

Երկուշաբթի Մոսկվայում անցկացվել է՝ Ռուսաստանի ադրբեջանական երիտասարդության կազմակերպության (ՌԱԵԿ) կողմից՝ կազմակերպության 10-ամյակին նվիրված Ադրբեջանի մշակույթի օրը։

Միջոցառմանը մասնակցել է Հեյդար Ալիևի Հիմնադրամի փոխնախագահ, ՌԱԵԿ-ի նախագահ Լեյլա Ալիևան, տեղեկացնում է Armenia.Az-ը։

Ադրբեջանի մշակույթի օրը անցկացվել է Մոսկվայի ամենահարմարավետ անկյուններից մեկում՝ Մոսկվայի Մ. Վ. Լոմոնոսովի անվան պետական համալսարանի «Ապտեկարսկի օգորոդ» բուսաբանական այգում։

Միջոցառման սկզբում ցուցադրվել է ՌԱԵԿ-ի գործունեությանը նվիրված ֆիլմ։ Ադրբեջանի մշակույթի օրվա բացման տոնական արարողությանը ելույթ են ունեցել՝ ՌԱԵԿ-ի նախագահ Լեյլա Ալիևան, Մոսկվայի Մ. Վ. Լոմոնոսովի անվան համալսարանի ռեկտոր Վիկտոր Սադովնիչին, Ռուսաստանում Ադրբեջանի դեսպան Փոլադ Բյուլբյուլօղլուն, ՄԱԿ-ի շրջակա միջավայրի հարցերով բարի կամքի դեսպան, լեգենդար հոկեիստ Վյաչիսլավ Ֆետիսովը, Մոսկվայի պետական համալսարանի «Ապտեկարսկի օգորոդ»-ի տնօրեն Ալեքսեյ Ռետեյումը։

Մշակույթի օրվա շրջանակներում կայացել է ՌԱԵԿ-ի ակտիվիստների պարգևատրումները։ ՌԱԵԿ-ի նախագահ Լեյլա Ալիևան հուշադիպլոմներ է հանձնել՝ «ՌԱԵԿ-ի ամենաակտիվ կամավոր», «ՌԱԵԿ-ի ամենահաջող մարզիկ» «Ամենաբարձր առաջադիմությամբ ուսանող», «Ամենաակտիվ տարածաշրջանային բաժին», «Կազմակերպության կյանքում ամենաբեղմնավոր գործունեության համար» նոմինացիաներում աչքի ընկնողներին։

Տոնը անցկացվել է մի քանի վայրերում, որտեղ անցկացվել են վարպետության դասեր, ցուցահանդեսներ, կազմակերպվել է՝ երաժշտական գործիքների, հագուստների, գորգերի ատրիբուտիկայով առանձին լուսանկարչական գոտի։ Ռուսաստանի ադրբեջանական երիտասարդության կազմակերպության գործունեության հետ ծանոթության համար կազմակերպվել է՝ վերջին 10 տարիների ընթացքում ՌԱԵԿ-ի կողմից թողարկված ամսագրերով ընթերցասրահ, այնպես նաև ներկայացվել են ադրբեջանական դասականների գրքեր։

Տոնը ավարտվել է՝ «Գոլոս» նախագծի եզրափակչի մասնակից Էմիլ Քադիրովի, «Երեխաների ձայն» շոուի եզրափակիչի մասնակից Ազեր Նասիբովի, «Ղարաբաղ» պարի համույթի և մյուսների մասնակցությամբ բացօթյա համերգով։

ARMENIA.AZ