Ամերիկացի փորձագետ. ԵԱՀԿ ՄԽ-ն Երևանի համար դարձել է ստատուս-քվոյի պահպանման համար պայքարի գործիք

16 Ապրիլի 2019 - 14:43

Եվրոպական անվտանգության կազմակերպությունները և ՆԱՏՕ-ն պետք է համաձայնեցված ջանքեր գործադրեն՝ Հարավային Կովկասում ամուր խաղաղության հաստատման համար։

Ինչպես փոխանցում է Armenia.Az-ը, այդ մասին՝ Emerging Europe պարբերականում հրապարակված իր հոդվածում գրում է՝ ամերիկացի քաղաքագետ, Մարկետի (Վիսկոնսին) համալսարանի պրոֆեսոր Փիթեր Թեյսը:

«Չնայած նրան, որ բանակցությունների ձևաչափը մնացել է անփոփոխ, ԵԱՀԿ Մինսկի խմբի համանախագահների կողմից կազմակերպված, երկու կողմերի միջև ընթացող բանակցությունները շոշափելի արդյունքներ չեն բերել, այնուամենայնիվ բանակցային գործընթացին նոր թափ է հաղորդվել։ Առաջին հերթին անհրաժեշտ է լիովին ապահովել Ադրբեջանի տարածքային ամբողջականությունը և միջազգային հանրությանը համոզել ճնշում գործադրել Հայաստանի վրա, որպեսզի նա իր զորքերը դուրս բերի Քելբաջարի, Լաչինի, Գուբադլիի, Ջեբրաիլի, Զանգելանի, Աղդամի, Ֆիզուլիի շրջաններից»,- գրում է Փ. Թեյսը։

Նրա կարծիքով, առանց Հայաստանի կողմից՝ իրենց զորքերի դուրս բերման հարցում էական գործողությունների և ադրբեջանցի զինվորների հետ շփման գծում ամենօրյա ռազմական սադրանքների սրմանը հակադրելու անկեղծ բարի կամքին՝ անհնար է խաղաղություն հաստատել Հարավային Կովկասում։

Նա նշում է, որ ադրբեջանական հողերում շարունակվող ընդհարումները գնալով ավելի են բարդանում՝ շոշափելով նրա ողջ բնակչությանը, բերելով ողջ տարածաշրջանում տնտեսության անկմանը, օկուպացված ադրբեջանական տարածքներում էկոլոգիական աղետի և Հայաստանի ազգային տնտեսության զարգացման մեջ անհաջողությունների։

«Վարչապետ (Հայաստանի-խմբ.) Նիկոլ Փաշինյանը վերջերս հանդես է եկել հայտարարությամբ՝ ելույթ ունենալով հանուն «խաղաղության մթնոլորտի» օգտին, սակայն ղարաբաղյան հակամարտության խաղաղ կարգավորումը անհնար է՝ առանց Ադրբեջանի տարածքներից հայկական օկուպացիոն զորքերի լիովին դուրս բերման և արտաքսված ադրբեջանցիների այդ հողեր վերադարձի կազմակերպման»,- գրում է Փ. Թեյսը։

«Եվրոպական անվտանգության կազմակերպությունները և ՆԱՏՕ-ն պետք է համաձայնեցված ջանքեր գործադրեն՝ Կովկասում ամուր խաղաղության հաստատելու համար և վերացնեն արյունոտ հակամարտության պահպանվող հետևանքները, որոնք ծագել են, երբ փլուզվեց երկաթե վարագույրը և Գերմանիան վերամիավորվեց։ Երևանին անհրաժեշտ է համոզել՝ ընդունել գործողությունների ժամանակացույց, որը կարող է բարձրացնել Ադրբեջանի հետ ապագա բանակցությունների նկատմամբ վստահության մակարդակը»,- համարում է փորձագետը։

«ԵԱՀԿ Մինսկի խմբի համանախագահները Երևանի համար դարձել են ստատուս-քվոն մշտապես պահպանելու համար պայքարի գործիք» նշվում է հոդվածում։

ARMENIA.AZ