Էլմար Մամեդյարովը` Մնացականյանի հետ հանդիպման մասին. Մի շարք որոշումներ են ընդունվել

16 Ապրիլի 2019 - 09:36

ԵԱՀԿ Մինսկի խմբի համանախագահների հետ Ադրբեջանի, Հայաստանի և Ռուսաստանի արտգործնախարարների Մոսկվայի հանդիպման շրջանակներում՝ քննարկվել են մի շարք առաջարկություններ և որոշումներ են ընդունվել:

Ինչպես հայտնում է Armenia.Az-ը, այս մասին լրագրողներին հայտարարել է՝ Ադրբեջանի արտաքին գործերի նախարար Էլմար Մամեդյարովը:

«Ընդհանուր առմամբ, անցկացվեցվել են շատ ծավալուն առարկայական բանակցություններ: Սկզբում կայացել է՝ Ադրբեջանի, Հայաստանի և Ռուսաստանի ԱԳՆ ղեկավարների եռակողմ հանդիպումը: Կոնկրետ ձևով քննարկվել են այն հարցերը, որոնք մինչ օրս խոչընդոտում էին բանակցությունների առաջընթացին: Ես չեմ կարող խոսել լիարժեք առաջընթացի մասին: Սակայն մենք կարողացանք ավելի մանրամասն և ավելի խորը հասկանալ այն պահերը, որոնք խնդիրներ են առաջացրել մեզ համար հայկական կողմի հետ», - ասել է Մամեդյարովը:

Ընդհանուր առմամբ, քննարկումներն անցկացվել են 2016 թ. Ռուսաստանի կողմից առաջարկած ծրագրի շուրջ:

«Իհարկե, մեկ հանդիպմամբ չի կարելի լուծել բոլոր հարցերը: Այս հանդիպման ձեռքբերումն այն էր, որ մենք հասկացանք, թե ինչպիսի խնդիրներ կան, որոնք պետք է լուծել: Օրինակ, Հայաստանը բարձրացնում է կարգավիճակի և անվտանգության հետ կապված հարցերը: Իսկ մենք, առաջին հերթին բարձրացնում ենք՝ օկուպացված տարածքներից Հայաստանի զինված ուժերի դուրս բերման և հարկադիր վերաբնակների հարազատ հողեր վերադառնալու հարցը: Քննարկումներն անցկացվել են այս չորս հարցերի շուրջ և բանակցությունները շարունակելու որոշում է ընդունվել», - նշել է Ադրբեջանի ԱԳՆ ղեկավարը:

Նա նաև ընդգծել է, որ հանդիպման շրջանակներում հնչեցվել են մի շարք առաջարկություններ: «Դրանց առաջադրվել են ինչպես Ռուսաստանի, այնպես էլ մյուս համանախագահող երկրների, ինչպես նաև Ադրբեջանի և Հայաստանը կողմից: «Այս ուղղությամբ մենք կշարունակենք աշխատանքը», - ասել է Մամեդյարովը:

ARMENIA.AZ