Գնդապետ. Հայկական կողմը Ադրբեջանի հարվածին պատասխանելու ոչինչ չունի

19 Մարտի 2019 - 14:36

«Նախագահ Իլհամ Ալիևը բազմիցս ասել է այն մասին, որ եթե ղարաբաղյան հակամարտությունը չլուծվի խաղաղ ճանապարհով, ապա Ադրբեջանը իրեն իրավունք է վերապահում՝ այդ հարցը ցանկացած, այդ թվում նաև ռազմական ճանապարհով լուծելու։ Հետևաբար այսօր ամեն բան, ինչ արվում է Ադրբեջանի զինված ուժերի հզորացման համար՝ արվում է մի նպատակով՝ բարձրացնել մեր բանակի մարտունակությունը և կատարել հիմնական մարտական խնդիրը, որը ցանկացած պահի կարող է դրվել՝ Գերագույն գլխավոր հրամանատարի կողմից՝ օկուպացված տարածքները զավթիչներից ազատելու նպատակով հակաահաբեկչական գործողությունների անցկացման համար:

Ադրբեջանը ձեռք է բերում նորագույն ռազմական տեխնիկա, Ադրբեջանի զինված ուժերը պարբերաբար անցկացնում են ռազմական զորավարժություններ, կատարելագործվում է սպառազինությունը, կատարելագործվում են մարտական պատրաստության օպերատիվ-տակտիկական խնդիրները»։

Այդ մասին հայտարարել է՝ Ադրբեջանի ԶՈՒ գնդապետ, ռազմական փորձագետ Շաիր Ռամալդանովը, տեղեկացնում է Armenia.Az-ը՝ վկայակոչելով Oxu.Az-ին։

Նրա խոսքով, ներկա ժամանակ Ադրբեջանը ունի կիսապրոֆեսիոնալ բանակ։

«Ես նկատի ունեմ, որ բոլոր հիմնական դիրքերում, որտեղ նախկինում ներկայացվում էին սերժանտական և շարքային կազմը, այսօր աշխատում են պայմանագրային զինծառայողներ։ Անցկացվում է այդ զինծառայողների մանրազննին ընտրություն։

Վերջին ժամանակներում պայմանագիր ստորագրել ցանկացողները ավելի շատ են, քան թույլ է տալիս մանրազննին ընտրության անցկացումը։ Այդ մասնագետները անցնում են համապատասխան դասընթացներ, և միայն քննություններ հանձնելուց հետո ստանում են արտոնագիր, նրանց հետ ստորագրվում է պայմանագիր, և նրանք շարունակում են Ադրբեջանի զինված ուժերում ծառայությունը։

Վերջին ռազմական շքերթերի ժամանակ մենք բոլորս տեսանք, թե ինչպիսի տեխնիկայի է տիրապետում ադրբեջանական բանակը, և դա մեծ արձագանք է առաջացրել հատկապես Հայաստանում։ Երևանում մտահոգված են նրանով, թե ինչ սպառազինության է տիրապետում Ադրբեջանը։

Ադրբեջանը մասնակցում է Թուրքիայում և Վրաստանում միջազգային զորավաժություններին։ Մեր զինվորականները լավ արդյունքներ են ցուցադրում միջազգային մրցաշարերում։ Օրինակ, Թուրքիայում անցկացված վերջին մրցումների ժամանակ մեր հատուկ ջոկատայինները գրավել են առաջին տեղը։ Ես այս ամենը մեջբերում եմ նրա համար, որպեսի հասկանալի լինի, որ այսօր Ադրբեջանի Զինված ուժերը քանակական և որակական կազմով կարող են կատարել իր առջև դրված ցանկացած խնդիր։

Եթե ուշադրություն դարձնել վերլուծաբանների, մասնավորապես Ռուսաստանի վերլուծաբանների վերջին ելույթներին, ապա նրանք բարձր են գնահատում ադրբեջանական բանակը և հայկական կողմին կոչ են անում նստել բանակցային սեղանի շուրջ, որովհետև նա պարզապես ի վիճակի չէ որևէ բանով հակազդել այն հզորությանը, որին այսօր տիրապետում է Ադրբեջանի Հանարապետությունը։ Հետևաբար մեծ վստահությամբ կարելի է ասել, որ ադրբեջանական բանակը լիովին պատրաստ է տարածքների ազատագրման լայնամասշտաբ գործողություններ անցկացնելուն։ Դրա համար ամեն ինչ արվել է ու արվում է»։

ARMENIA.AZ