Նովրուզ Մամեդով. Իլհամ Ալիևի հաջող քաղաքականության շնորհիվ ավելանում է Ադրբեջանին աջակցող երկրների թիվը

15 Մարտի 2019 - 13:12

Նախագահ Իլհամ Ալիևի վարած հաջող արտաքին քաղաքականությունը նպաստում է Ադրբեջանին աջակցող երկրների թվի ավելացմանը:

Այս մասին Միլլի Մեջլիսում հայտարարել է վարչապետ Նովրուզ Մամեդովը, ով հանդես է եկել Նախարարների կաբինետի 2018 թ. գործունեությանը նվիրված զեկույցով, տեղեկացնում է Аrmenia.Az-ը:

Վարչապետը նշել է, որ 2018 թվականը հարուստ էր Ադրբեջանի հասարակական, քաղաքական և սոցիալ-տնտեսական կյանքում նշանակալից իրադարձություններով և մեծ նվաճումներով:

Նովրուզ Մամեդովի խոսքով, 2018 թվականի նախագահական ընտրություններում իր ձայնը Իլհամ Ալիևին տալով՝ ադրբեջանական ժողովուրդը քվեարկեց կայունության և զարգացման օգտին:

Նա ընդգծել է, որ 2018 թվականին ղարաբաղյան հակամարտության կարգավորումը շարունակել է մնալ Ադրբեջանի արտաքին քաղաքականության առաջնահերթ ուղղություններից մեկը:

Նովրուզ Մամեդովը հիշեցրել է, որ նախորդ տարի հանդիսավոր կերպով նշվեց Ադրբեջանի Դեմոկրատական Հանրապետության (ԱԴՀ) 100-ամյա հոբելյանը:

Ն.Մամեդովը նշել է, որ 2018 թ. Ադրբեջանում պաշտպանական ծախսերը ավելացել են 526,8 մլն մանաթով և կազմել են 3,3 միլիարդ մանաթ:

Նրա խոսքով, հաշվետու ժամանակահատվածում տարբեր աղբյուրներից 8.4 միլիոն մանաթ է փոխանցվել Ադրբեջանի Զինված ուժերի Օգնության հիմնադրամին: «Այսպիսով, Զինված ուժերի Օգնության հիմնադրամում կուտակվել է 96,8 մլն մանաթ», - ասել է կառավարության ղեկավարը:

Ն.Մամեդովը ընդգծել է, որ անցյալ տարի Ադրբեջանը շարունակել է՝ ռազմաշինարարական ներուժի բարելավմանը, բանակաշինության կատարելագործմանը, ԶՈՒ-ն գերժամանակակից սպառազինությամբ ու տեխնիկայով ապահովմանը և ԶՈՒ-ի անձնակազմի մարտական ոգու բարձրացմանն ուղղված նպատակաուղղված գործունեությունը:

«Ուշադրության կենտրոնում է գտնվում Զինված ուժերը գերժամանակակից ռազմական տեխնիկայով ապահովելու խնդիրը: Այդ նպատակով ձեռք են բերվել այդ թվում նաև՝ բարձր ճշգրտության «Պոլոնեզ» ՀԿՌՀ և «Լոռա», հակաբալիստիկ պաշտպանության միջոցներ, ԱԹՍ և այլն», - նշել է վարչապետը:

Նրա խոսքով, 2018 թ. Ադրբեջանի պաշտպանական արդյունաբերության ձեռնարկությունները 250 միլիոն մանաթ (147 միլիոն դոլար) արժողությամբ 1,2 հազար անուն ապրանք են արտադրել: «Պաշտպանական նշանակության արտադրանքի արտահանումը կազմել է 120 մլն մանաթ (70,6 մլն դոլար)», - ասել է Ն.Մամեդովը:

Վարչապետը նշել է նաև 2018 թ. մայիսին Նախչըվանի Ինքնավար Հանրապետությունում անցկացված հաջող ռազմական գործողությունը, որը հնարավորություն է ստեղծել «ազատագրել ռազմավարական նշանակություն ունեցող բարձունքները և 1992 թվականից հայկական օկուպացիայի տակ գտնվող Նախչըվանի ԻՀ Շարուրի շրջանի Գյուննութ գյուղը»:

ARMENIA.AZ