Ադրբեջանցի զինվոր. Մենք ամուր կանգնած ենք մարտական դիրքերում

11 Փետրվարի 2019 - 15:35

Մենք մոտենում ենք բարձրավանդակում տեղակայված թիվ N զորամասին։ Մեզ դիմավորում է մայոր Էմին Վելիևը, տեղեկացնում է Armenia.Az-ը՝ վկայակոչելով Armiya.az-ին։

Նրա խոսքով, մեր զինվորները տրամադրված են մարտական ոգով և պատրաստ են ցանկացած պահի կատարել Գերագույն գլխավոր հրամանատարի հրամանը։

—Գերագույն գլխավոր հրամանատարի հրամանից անմիջապես, հետո մենք, զենքը ձեռքներիս կազատենք մեր հողերը։ Մենք ունենք ժամանակակից սպառազինությամբ և ռազմական տեխնիկայով հագեցված ուժեղ բանակ, իսկ մեր զինվորների մարտական ոգին բարձր է։ Մեր բանակի հագեցվածությունը զգալիորեն բարելավվել է։ Մեր զորամասերում կառուցվել ու շահագործման են հանձնվել ժամանակակից չափանիշներին համապատասխանող զորանոցներ, բուժկետեր, ճաշարաններ և այլ կենցաղային օբյեկտներ։ Գերագույն գլխավոր հրամանատար Իլհամ Ալիևը և պաշտպանության նախարար Զաքիր Հասանովը բարձր ուշադրություն և հոգատարություն են ցուցաբերում մեր բանակի նկատմամբ։ Եվ այդ հոգատարությունը և ուշադրությունը մեր յուրաքանչյուր զինվորի սրտում էլ ավելի է ամրապնդում Մեծ Հաղթանակի ձգտումը։

Զինվոր Էլմեդդին Աբասով.

—Ես հպարտանում եմ, որ ծառայում եմ Ադրբեջանի ուժեղ բանակի շարքերում։ Եվ ես, որպես այդ բանակի զինվոր՝ կարգապահ եմ, միշտ պատրաստ եմ մեր հողերի ազատագրման համար մարտին։ Իմ զենքը միշտ ինձ հետ է և ես միշտ պատրաստ եմ այն կիրառել հակառակորդի դեմ։ Մենք զինվորներս՝ սպասում ենք Գերագույն գլխավոր հրամանատարի հրամանին։

Զինվոր Նաթիգ Ալլահյարով.

—Մենք ծառայում ենք հայրենիքին։ Մեր մարդիկ, մեր ժողովուրդը մեզ հավատում են,մեծ հույսեր են կապում մեզ հետ, մեզ են վստահում իրենց կյանքը։ Երբեմն մենք եղել ենք նրանց պաշտպանության ներքո, ովքեր ծառայել են այս խրամատներում, իսկ այժմ եկել է այդ առաքելությունը ստանձնելու, հայրենիքի պաշտպան դառնալու մեր հերթը։ Եվ մենք միշտ հիշում ենք հայրենիքի հանդեպ, ժողովրդի հանդեպ մեր պարտքի մասին՝ մենք պահակակետում միշտ աչալուրջ ենք, ամուր կանգնած ենք մեր մարտական դիրքերում։

Զինվոր Զաուր Գարիբով.

—Կյանքում ամենամեծ սերը՝ հայրենիքի նկատմամբ սերն է։ Այդ սերը ամենից բարձր է։ Այսօր ես և իմ ընկերները ծառայում ենք այստեղ՝ բարձր լեռներում, որտեղ խստաշունչ սառնամանիք է, որտեղ ձյունը հասնում է մինչև ծնկները, սակայն չնայած այս բոլոր դժվարություններին, մեր սիրտը ջերմացնում է հայրենիքի նկատմամբ սերը և մեր ոգում ապրում է մեծ հպարտություն նրա համար, որ մենք պաշտպանում ենք հայրենիքը։

Զինվոր Էլգիզ Աբդուլաև.

—Ծառայության ժամանակ այնքան ես մտերմանում ընկերներիդ հետ, որ ծառայության ժամկետի ավարտից հետո, չես ուզում բաժանվել նրանցից։ Մենք պատրաստ ենք հաղթահարել ցանկացած դժվարություն, պատրաստ ենք կրել ցանկացած վտանգ՝ հանուն հայրենիքի։ Մենք պատրաստ ենք նաև մեր կյանքը տալ, միայն մեր հայրենիքն ապրի։

Յուրաքանչյուր զինվոր, ում հետ մենք զրուցել ենք, հայտնել է իր միտքը, սակայն նրանցից յուրաքանչյուրը իր սրտում պահում է մեծ, բաղձալի երազանք՝ Մեծ Հաղթանակ, մեր հողերը ազատել օկուպանտներից։ Նրանք հպարտանում են, որ ծառայում են Ադրբեջանի բանակում, և բոլորը մի մարդու պես սպասում են Գերագույն գլխավոր հրամանատարի մարտական հրամանին։

ARMENIA.AZ