Ադրբեջանի նախագահը մեկնաբանել է իրանական բեռնատարների անօրինական մուտքը Ղարաբաղ

27 Սեպտեմբերի 2021 - 17:51

«Սա առաջին դեպքը չէ, երբ իրանական բեռնատարներն անօրինական կերպով մուտք են գործում Ադրբեջանի Ղարաբաղի մարզ: Նման դեպքեր բազմիցս արձանագրվել են օկուպացիայի ընթացքում»:

Ինչպես հաղորդում է Armenia.Az-ը, այս մասին նախագահ Իլհամ Ալիևն ասել է «Անադոլու» գործակալությանը տված հարցազրույցում:

Երկրի ղեկավարը նշել է, որ այդ բեռնատարները կանոնավոր կերպով մուտք էին գործում այնտեղ. «Մենք գիտեինք այդ մասին: Բայց, իհարկե, չկար նման կոնկրետ տեղեկատվություն, ինչպես հիմա: Մենք մեր դժգոհությունը իրանական կողմին հայտնում էինք տարբեր խողովակներով: Սակայն, այս գործընթացը շարունակվեց: Պատերազմի ավարտից հետո Լաչինի միջանցքն այժմ մեր տեսադաշտում է: Մեր ռազմական դիրքերից մինչև Խանքենդի տանող ճանապարհ հեռավորությունը 5-6 մետր է: Մենք ունենք բավարար տեխնիկական հնարավորություններ Լաչինի միջանցքի երկայնքով, ինչպես նաև Շուշայի և այլ շրջանների շուրջ: Կան տեսախցիկներ:

Մենք օգտագործում ենք արբանյակ, անօդաչու թռչող սարքեր: Մենք տեսանք, որ պատերազմից հետո բեռնատարները շարունակում են մուտք գործել այնտեղ: Ես նախագահի աշխատակազմի աշխատակիցներին հանձնարարեցի խոսել Ադրբեջանում Իրանի դեսպանի հետ: Մենք չենք ուզում սա բարձրացնել պաշտոնական մակարդակի: Թող նրանք խոսեն բարեկամաբար և հայտարարեն, որ դրան պետք է վերջ տալ: Սա անհարգալից վերաբերմունք է Ադրբեջանի տարածքային ամբողջականության նկատմամբ և պետք է դադարեցվի: Այս խոսակցությունը, եթե չեմ սխալվում, տեղի ունեցավ հուլիսին: Դրանից հետո մենք սկսեցինք հետևել դրան, և յուրաքանչյուր ամսվա սկզբին գրանցում ենք տվյալներ, թե քանի բեռնատար է դուրս եկել, քանիսը մտել, ինչ են բերել, ինչ են տարել:

Մենք տիրապետում ենք բոլոր տեղեկություններին՝ ընդհուպ մինչև նրանց համարանիշները: Այս տեղեկատվությունը հայտնվեց մամուլում: Բայց հետո ի՞նչ արեցին: Նրանք սկսեցին հայկական համարանիշներ տեղադրել իրանական բեռնատարների վրա: Նրանք փորձում էին մեզ խաբել: Սա ցույց է տալիս, որ նրանք ցանկանում են շարունակել իրենց գործունեությունը, բայց քողի տակ»:

ARMENIA.AZ