Ադրբեջանի նախագահ. Հայաստանում՝ պատերազմում զոհվածների ընտանիքներից ոչ մեկին բնակարան չի տրամադրվում

15 Հուլիս 2021 - 11:53

«Ես չեմ ուզում համեմատել մեր երկիրը որևէ այլ երկրի հետ: Բայց կյանքն ու մեր կողմից կատարված աշխատանքը ցույց են տալիս, որ այս ոլորտում Ադրբեջանում տարվող քաղաքականությունն ամենահումանիստականն է, ամենաարդարը, քանի որ Հայրենիքի համար իրենց կյանքը զոհաբերած մեր հերոս որդիների ընտանիքների անդամները, պետք է շրջապատված լինեն պետական հոգատարությամբ, և այսօր մենք դա հստակ տեսնում ենք»:

Ինչպես հայտնում է Armenia.Az-ը, հուլիսի 14-ին այս մասին՝ Բաքվի Բինագադիի շրջանի Խոջասան ավանում շեհիդների ընտանիքներին ու պատերազմի հաշմանդամներին բնակարաններ ու ավտոմեքենաներ հանձնելու արարողությանը ասել է՝ Ադրբեջանի նախագահ Իլհամ Ալիևը:

Պետության ղեկավարը նշել է.

«Գազիները, ովքեր կորցրել են իրենց առողջությունը, վիրավորվել, միշտ պետք է շրջապատված լինեն հոգատարությամբ բոլոր պետական մարմինների կողմից, և մենք դա ապահովում ենք: Պետք է նշեմ նաև, որ այս ոլորտում մեր կիրառած սկզբունքները եզակի են, քանի որ պատերազմներ և հակամարտություններ տեղի են ունեցել շատ երկրներում, բայց ես չգիտեմ մի երկիր, որտեղ նման ուշադրություն դարձվի պատերազմներում զոհված մարդկանց մերձավորներին: Հայաստանը նույնպես կորուստներ ունեցավ, Երկրորդ ղարաբաղյան պատերազմում նրա կորուստները 2-3 անգամ գերազանցեցին մերը: Բայց տեսեք, արդյոք այնտեղ բնակարան տրամադրվել է պատերազմում զոհվածների ընտանիքներից թեկուզ մեկին: Ոչ: Տրամադրվու՞մ են ավտոմեքենաներ: Ոչ: Այսինքն, սա խոսում է այն մասին, որ մեր քաղաքականությունն այս ոլորտում բառի բուն իմաստով ազգային քաղաքականություն է: Քանի որ մեր քաղաքականության կենտրոնում կանգնած է Ադրբեջանի քաղաքացին: Առավել խոցելի կատեգորիայի քաղաքացիները պետք է շրջապատված լինեն, առաջին հերթին պետության կողմից հոգատարությամբ»:

ARMENIA.AZ