Հիքմեթ Հաջիև. Հայաստանը բարոյական իրավունք չունի խոսելու միջազգային իրավունքի մասին

24 Սեպտեմբերի 2020 - 22:09

Armenia.Az-ն ընթերցողների ուշադրությանն է ներկայացնում Ադրբեջանի Հանրապետության նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի մեկնաբանությունը:

- Ինչպե՞ս եք գնահատում վերջին օրերին Թուրքիայի և Հունաստանի միջև անցկացված բանակցությունները Արևելյան Միջերկրածովում ստեղծված իրավիճակի շուրջ:

- Ադրբեջանի Հանրապետությունը կողմերի միջև փոխշահավետ համագործակցության, կայունության և անվտանգության վրա հիմնված հարաբերությունների կողմնակից է: Արևելյան Միջերկրածովում առկա իրավիճակը չի կարող անհանգստություն չառաջացնել: Կարևոր է նախապատվությունը տալ բանակցություններին, հատկապես այնպիսի շրջանում, երբ ողջ աշխարհի պայքարում է կորոնավիրուսի համավարակի դեմ: Այս առումով մենք դրական ենք գնահատում ՆԱՏՕ-ի միջնորդությամբ եղբայր Թուրքիայի և Հունաստանի միջև անցկացվող բանակցությունները: Մենք կարծում ենք, որ կողմերի միջև անմիջական երկխոսությունը՝ առանց նախապայմանների, հնարավորություն կտա թուլացնել լարվածությունը և այս հարցին լուծում տալ: Անհրաժեշտության դեպքում Ադրբեջանը պատրաստ է նպաստել այս հարցի լուծմանը:

Այս հարցում կատալիզատորի դերում հանդես գալու Հայաստանի փորձերը, ով Միջերկրական ծովը շփոթել էր Սևանա լճի հետ, որի պատմական անունը Գյոյչա է, ուղղակի ծիծաղելի են: Ադրբեջանական հողերն օկուպացրած, միջազգային իրավունքի նորմերն ու ՄԱԿ-ի կանոնադրությունը խախտած Հայաստանը բարոյական իրավունք չունի խոսելու միջազգային իրավունքի մասին:

Լավ կլիներ, եթե «ծովից ծով Հայաստան ստեղծելու» երազանքով ապրող Հայաստանը վերջապես գիտակցեր, որ նա դեպի ծով ելք չունի: Հայաստանում պետք է հասկանան, որ օկուպացիոն քաղաքականությունից հրաժարվելու դեպքում հնարավորություն կստանան օգտվելու տարածաշրջանի հաղորդակցական և տրանսպորտային հնարավորություններից:

ARMENIA.AZ